मंगलबार, मंसिर २४ २०७६ | Tue, December 10, 2019
नेपालको समय: ०५:३० | UK Time: 23:45

कुटुम्बको धुनले नचायो दर्शक

विनेपाली
२०७१ असार २२ गते ८:११

वसन्त नै बस्न खोज्छ यहां लोलाएर
यो हो मेरो प्राण भन्दा प्यारो माइतीघर…

Kutumbaलन्डन वेम्लीस्थित कोपल्याण्ड कम्युनिटी स्कुलको सुसज्जित स्टेज । आधा दर्जन कलाकार स्टेजमा उपस्थित छन् तर तिनले ‘माइतीघर’ गाएनन्, बरु दर्शकदीर्घाबाट त्यो सुमधुर गीत गुञ्जिइरह्यो । तालमा ताल मिलाएर उफ्रने पंक्तिमा दर्शक नै थिए ।
बांझो खेतमा छड्के सलाम हान्न होस् वा माछी मार्न दर्शक नै अग्रसर रहे । रातो 
रानी, कान्छी हे कान्छी, सोइ ढोले सोइ, सोर्ह वर्षे उमेरैमा आदि जस्ता चर्चित गीत पनि कलाकारले होइन, दर्शकले पो गाए ।

२९ जुन सांझको माहोल अन्य सांगीतिक रमझम जस्तो पटक्कै थिएन् । गाउने दर्शक, बजाउने सांगीतिक समूह कुटुम्ब । आफू नगाइ बाजा मात्र बजाउने 
वाद्यवाद्यक समूह ‘कुटुम्ब’ ले लाइभ कन्सर्टमा झण्डै दुई घण्टा अवधिभित्र करिब तीस थान गीतका धुन पस्कियो ।

नेपाली लोकबाजा तुङना, मादल, सारंगी, डम्फु, डमरु, धिमे, च्याब्रुङ, ढोलक आदि धुनको गज्जव समिश्रणले कलाकारलाई गाउन भन्दा बजाउनै उत्प्रेरित गरे जस्तो लाग्थ्यो । ‘नेताहरु बेलायत आउंछन् अनि आश्वासन मात्र दिएर जान्छन् तर कलाकार आएर नेपालीपन र नेपाली माटोको सुगन्ध छाडेर जान्छन्’, कन्सर्टका एक दर्शकले भने, ‘कुटुम्बले लोपोन्मुख नेपाली लोकबाजा प्रस्तुत गरेर नेपालको बेग्लै चिनारी दिएको छ ।’

पेरिसबाट आएको उक्त व्याण्डले बेलायतको स्कटल्याण्ड, आसफोर्ड केन्ट, अल्डरसट र लन्डनमा आफ्नो लोकधुन पस्क्यो । विदेशीलाई नेपाली लोक बाजा सुनाउन र संगीतका माध्यमबाट प्रवासी नेपाली एकजुट भइ देश विकास गर्न जरुरी छ भन्ने सन्देश बांड्न बेलायत आएको व्याण्डका प्रवक्ता तथा संगीतकार पवित महर्जनले जनाए । दुई साताभित्र स्कटल्याण्डका दशवटा विद्यालय र स्कटिश संगीतकारहरुको साथमा चार कन्सर्ट गर्यो उसले । अब उसको गन्तव्य बेल्जियम छ ।

प्रतिक्रिया

सम्बन्धित सामाग्री

फेसबुक