बिहीबार, असार ५ २०७६ | Thu, June 20, 2019
नेपालको समय: ११:०१ | UK Time: 06:16

सहमतिमा ६१ हजार पाउण्ड गायब

विनेपाली
२०७१ साउन १२ गते २०:०२

Mahendra Kandel

लण्डन । गैरआवासीय नेपाली संघ (एनआरएन) बेलायतमा उब्जिएको विवाद समाधान गर्ने क्रममा खोजिएको सहमतिले संस्थालाई एक बनाउन सफल भए पनि संस्थालाई ६१ हजार पाउण्ड भने घाटा पारेको छ ।एनआरएनका नयाँ सदस्यता र पुराना सदस्यता नविकरण वापत १ लाख २१ हजार पाउण्ड उठ्नु पर्नेमा सहमतिमा ६० हजार पाउण्ड मात्र दाखिला हुने व्यवस्था गरिएको थियो ।

एनआरएन युकेको गत १५ सेप्टेम्बर २०१३ मा एकै दिन संस्थापन पक्ष योगेन्द्रबहादुर (योगेन) क्षेत्री र तत्कालिन उपाध्यक्ष महेन्द्र कँडेलले फरक–फरक स्थानमा महधिवेशन गरेका थिए । क्षेत्री समूहले अल्पर्टनमा आयोजना गरेको महाधिवेसनमा आफुहरुसित करिब ५ हजार ८ सय सदस्य भएको दाबी गरिएको थियो भने कँडेलले साउथ इस्टमा गरेको महाधिवेसनमा करिब ६ हजार ३ हजार सदस्य आप्mना पक्षमा भएको बताइएको थियो । जसअनुसार एनआरएन युकेको कुल सदस्यता १२ हजार १०० जना र सदस्यता शुल्क १ लाख २१ हजार पाउण्ड कोषमा दाखिल हुनुपर्ने थियो । एनआरएन युकेको सदस्य हुन प्रतिव्यक्ति १० पाउण्ड तिर्नु पर्छ ।दुई समूहमा बाँडिएका एनआरएनलाई एक बनाउन संरक्षकको हैसियतमा प्रा. डा. सूर्यप्रसाद सुवेदीको अगुवाईमा गरिएको असाधारण सहमतिको सम्मेलनमा दुई पक्षले ३०/३० हजार पाउण्ड बुझाउने सहमति गरिएको थियो ।

स्रोतका अनुसार सहमतिपछि क्षेत्रीले आफुले करिब ५० हजार पाउण्ड एनआरएन कोषमा जम्मा गरेको भन्दै २० हजार पाउण्ड फिर्ता लिएका थिए । त्यस्तै अहिलेका सह–अध्यक्ष महेन्द्र कँडेलले साउथ इस्टको प्लमस्टिडमा गरिएको अधिवेशनको खर्च १० हजार पाउण्ड घटाएर बाँकी २० हजार पाउण्डको चेक प्रा.डा. सुवेदीलाई बुझाएका थिए ।

सहमतिमा संस्थालाई घाटा परेछ नि भन्ने प्रश्नको जवाफमा एनआरएन युकेका अध्यक्ष योगेन क्षेत्रीले प्रा.डा. सूर्य सुवेदीको पहलमा सहमति गरिएको र सहमति अनुसार दुवै पक्षले ३०/३० हजार पाउण्ड बुझाउने भन्ने भएपछि सो सहमति आफुले पनि मानेको बताए । “सहमतिले संस्थालाई घाटा पुग्यो, नाफा भयो, कता लाग्यो भन्ने मलाई नसोध्नुस् डा. सुवेदीलाई नै सोध्नुस्” क्षेत्रीले भने| उता सहअध्यक्ष कँडेलले सहमति अनुसार आफुले ३० हजार पाउण्ड बुझाउनुपर्नेमा साउथ इस्टमा भएको अधिवेसनको खर्च कटाएर २० हजार पाउण्डको चेक बुझाएको बताए । पैसा त्यति बुझाए पनि आफुलाई सदस्यता फाराम बुझाएका सबै सदस्यहरुको एनआरएनको सदस्यता सदर गरिएको उनले प्रष्ट्याए ।

सहमतिमा दुई पक्षले गरेको महाधिवेसनको खर्च जाँच्न एनआरएन युकेका पूर्व अध्यक्ष सूर्य गुरुङको अध्यक्षतामा डा. चन्द्र लक्सम्बा र शेर सुनार रहेको सहमति गठन गर्ने निर्णय गरिएको छ । उता, सदस्यता शुल्क बढी भयो भन्ने गुनासोका बारेमा पनि अध्ययन गर्न अर्को समिति गठन गरिएको छ ।एनआरएनको सदस्यता एक जनाले आवेदन गर्ने तर सदस्यता शुल्क उम्मेदवार बन्न चाहने आकांक्षीहरुले एकमुष्ट तिरिदिने प्रवृत्तिका कारण यति धेरै सदस्यता शुल्क हराउँदा पनि कसैलाई चासो छैन । त्यसैले सदस्यता वापतको शुल्क फिर्ता लिने समूहले पनि फिर्ता भएको शुल्क सम्बन्धित सदस्यलाई फिर्ता गर्नुपरेको देखिँदैन ।

प्रतिक्रिया

सम्बन्धित सामाग्री

फेसबुक