बिहीबार, असार ५ २०७६ | Thu, June 20, 2019
नेपालको समय: ११:०० | UK Time: 06:15

बेलायतमा अब पालो अल्बाट्रोस् र दिव्या सुव्वाको

विनेपाली
२०७१ असोज २९ गते १२:४८

1620438_363114063856764_8930449106117553739_n

लन्डन । इलाइट इभेन्ट्सले बेलायतमा पहिलो पटक पप गायक दिव्या सुव्वा र रक व्याण्ड अल्बाट्रोस्संग  लाइभ कन्सर्ट वीथ डान्सपार्टी गर्ने भएको छ । आगामी २० डिसेम्बर सांझ सेन्ट्रल लन्डनको चर्चित थिएटर ट्रोक्सीमा कन्सर्ट हुन लागेको आयोजक मध्ये एक एलबीजेड गुरुङले जनाए । आयोजकले कलाकारमात्र होइन, भेन्यू पनि उत्कृष्ट छनोट गरेका छन् । कन्सर्ट, कन्फेरेन्स र अन्य कार्यक्रम गरि वार्षिक अढाइ सय भन्दा बढि इभेन्ट्स हुने उक्त हल फुल्ली साउण्ड प्रुफ्ड अनि साउण्ड, लाइट र एभी इक्वीपमेन्टले सुसज्जित छ भने थिएटरभित्र मल्टिपल बार, किचन समेत भएकाले दर्शक लाभान्वित हुनेछन् ।

युवा पुस्तामाझ लोकप्रिय ति कलाकारहरुलाई पहिलो पटक बेलायत आउने सौभाग्य जुरेको हो । बेलायतमा नेपाली कलाकारहरुको आगमन खासै नौलो नभएपनि सुव्वा र अल्बाट्रोस्को लाइभ कन्सर्टबाट युवाहरु बढि आशावादी छन् ।

कन्सर्ट एलबीजेडसहित मेक्सी गुरुङ, सञ्जय पुन, विजय गुरुङ र सुरज सिंहले संयुक्त रुपमा गर्न लागेका हुन् । सांझ ७ बजे शुरु हुने कन्सर्टसंगै डान्स पार्टी बिहान ६ बजेसम्म चल्ने आयोजकले बताएका छन् । कन्सर्टका लागि ६ वटा अफिसियल मिडिया र कयौं प्रायोजकको साथ छ ।

प्रतिक्रिया

सम्बन्धित सामाग्री

फेसबुक