लण्डन । विश्वका ४६ देशमा शाखा रहेको भनिएको अमेरिकी कम्पनी सलादमास्टरको डिलर युकेमा नेपालीहरुले आफ्नै स्वामित्वमा स्थापना गरेका छन् ।
शिवजी श्रेष्ठ र उर्मिला श्रेष्ठको लगानी रहेको एसफोयु हेल्थी लाइफ लिमिटेडले सलादमास्टरको डिलर प्राप्त गरेको हो । सो डिलरको बेलायतका लागि कार्यबाहक नेपाली राजदूत तेजबहादुर क्षेत्री तथा सलादमास्टरको बेलायत तथा आयरल्याण्ड प्रमुख, लेखक आयो ओलासेइण्डेले संयुक्तरुपमा बेजिंगस्टोकमा उद्घाटन गरे ।
सो समारोहमा कार्यबाहक राजदूत क्षेत्री, सलादमास्टर युके प्रमुख ओलासेइण्डे, एनआरएनए युकेका अध्यक्ष महेन्द्र कंडेल, उपाध्यक्ष हिराधन राई, स्थानीय काउन्सिलर तथा लेबोर पार्टीका सांसदका उम्मेदवार डा. पाउल हार्बे, चितवन ट्रष्ट युकेका अध्यक्ष कृष्ण गुरुङ, नेपाली जनसम्पर्क समिति युकेका उपाध्यक्ष हिमाल गुरुङ, ग्रेटर रेडिङ नेपलिज कम्युनिटीका महासचिव यादव श्रेष्ठ, गायक विवेक श्रेष्ठ, पूर्व डिएसपी वाचस्पति रेग्मी लगायतले मन्तब्य दिएका थिए ।
खानपानले स्वास्थ्यमा पारिरहेको असरलाई दृष्टिगत गरेर आफ्नो उत्पादन गरिरहेको सलादमास्टरको उत्पादन बेलायतस्थित अफ्रिकन र एसियनहरुमा लोकप्रिय हुँदै गरेको बताइएको छ ।
नेपालीहरु पनि सलादमास्टरको व्यापारमा आवद्ध भइसकेका छन् र हालै मात्र उनीहरुले डिलरसिप प्राप्त गरेका हुन् ।
