काठमाडौं। भारतीय प्रधानमन्त्री नरेन्द्र मोदीको जनकपुर भ्रमण रद्द भएको छ। भौतिक पूर्वाधार तथा योजना मन्त्री विमलेन्द्र निधिले बुधबार एक विज्ञप्ति प्रकाशित गर्दै मोदीको कार्यक्रम रद्द भएको बताएका छन्।
निधिले एकीकृत माओवादी र मधेशी दलको गैरजिम्मेवारपूर्ण गतिविधिको कारण भ्रमण रद्द भएको आरोप लगाएका छन्।
मोदीले अभिनन्दन गर्ने कार्यक्रम कहाँ राख्ने र भाषण गर्ने वा नगर्ने भन्ने विषयमा राजनीतिक दलहरुबीच विवाद देखिएको थियो। सरकारले जानकी मन्दिरको प्राङ्गणमा मोदीको नागरिक अभिनन्दन कार्यक्रम राखेको थियो ।
तर एकीकृत माओवादी र मधेशी मोर्चासहितका २२ दलले भने मोदीले बाह्र बिधाबाट सबैलाई सम्बोधन गर्न पाउनु पर्ने गरी कार्यक्रम राख्नु पर्ने माग गर्दै थिए। मंसिर १० र ११ हुने हुने सार्क सम्मेलनमा सहभागी हुने क्रममा सडकमार्ग हुँदै जनकपुर आउने गरी मोदीको कार्यक्रम तय भएको थियो। 
