सोमबार, भदौ २ २०७६ | Mon, August 19, 2019
नेपालको समय: ०९:३३ | UK Time: 04:48

माथिल्लो कर्णालीमा आइएफसीले लगानी गर्ने

विनेपाली
२०७१ पुष ५ गते १९:११

काठमाडौँ। अन्तर्राष्ट्रिय वित्तीय निगम (आइएफसी) ले माथिल्लो कर्णाली जलविद्युत् आयोजनामा १० प्रतिशत सेयर लगानी गर्ने भएको छ। उक्त आयोजनामा लगानी गर्ने सम्बन्धी सम्झौतामा आगामी सोमबार प्रवद्र्धक कम्पनी ग्रान्धी मल्लिकार्जुन राव (जीएमआर) र आइएफसीबीच सम्झौता हुने भएको छ ।Karnali-River

अर्थमन्त्री डा रामशरण महतलाई शुक्रबार अर्थ मन्त्रालयमा भेटेर नेपालका लागि आइएफसीका देशीय प्रबन्धक काइल केलहोफरले उक्त जानकारी दिएको अर्थ मन्त्रालयले जनाएको छ।

उक्त मन्त्रालयका अनुसार आयोजनालाई स्रोतको अभाव हुन नदिने प्रतिबद्धता व्यक्त गर्दै केलहोफरले मन्त्री महतलाई आगामी सोमबार सेयर लगानीसम्बन्धी सम्झौता गर्न लागेको जानकारी गराए।

आइएफसीले स्थानीय मुद्रामा ऋणपत्र जारी गरेर केही स्रोतको सुनिश्चितता गर्ने जानकारी दिँदै प्रबन्धक केलहोफरले माथिल्लो अरुण, काबेली र माथिल्लो त्रिशूली–१ जलविद्युत आयोजनामा पनि लगानी गर्ने दृढता व्यक्त गरे।

प्रतिक्रिया

सम्बन्धित सामाग्री

फेसबुक