सोमबार, भदौ २ २०७६ | Mon, August 19, 2019
नेपालको समय: ०९:३३ | UK Time: 04:48

प्रचण्ड नेतृत्वको मोर्चाद्वारा आम हड्तालको घोषणा

विनेपाली
२०७१ पुष ७ गते १६:११

काठमाडौ। एमाओवादी नेतृत्वमा रहेको मोर्चाले आम हड्तालसहित आन्दोलन कार्यक्रम सार्वजनिक गरेको छ। सिंहदरबारमा सोमबार बसेको संविधानसभा भित्रका १९ र बाहिरका ११ दलको बैठकले आन्दोलन घोषणा गरेको एकीकृत नेकपा माओवादीले जनाएको छ ।

संविधानसभाभित्र र बाहिरका गरी ३० दलीय मोर्चाको सिहदरवारमा भएको बैठक। तस्वीर: बाबुरामको फेसबुक

संविधानसभाभित्र र बाहिरका गरी ३० दलीय मोर्चाको सिहदरवारमा भएको बैठक। तस्वीर: बाबुरामको फेसबुकबाट

माओवादी अध्यक्ष पुष्पकमल दाहाल प्रचण्ड नेतृत्वको मोर्चाले पुस १९ गते सबै जिल्लामा विरोध प्रदर्शन र सभा, २५ देखि २९ गतेसम्म प्रादेसिक तहमा फरक फरक मितिमा आमहड्ताल र माघ ५ गते देशब्यापी आमहड्ताल गर्ने निर्णय गरेको हो।

कांग्रेस, एमालेले सहमति नचाहेको हुनाले आमहड्ताल गर्नुपरेको माओवादीको दावी छ। सहमति भए आन्दोलन स्थगित हुने जनाएको छ । मोर्चाले मधेसी, जनजातिलगायतका दलले पहिचानसहितको संघीयताका लागि दबाव दिन बन्द, हड्तालमा उत्रनु परेको जनाएको छ। हामहडताल भए पनि यो शान्तिपूर्ण हुने र  यसको उद्देश्य पहिचानसहितको संघीयता हुनुपर्छ भन्ने रहेको एमाओवादीको भनाइ छ ।

‘यसबीचमा सरकारसँग वार्ता जारी रहने’ एमाओवादी वरिष्ठ नेता बाबुराम भट्टराईले फेसबुकमार्फत् बताएका छन् । यसैबीच एकीकृत माओवादीका उपाध्यक्ष नारायणकाजी श्रेष्ठले जे भएको छ राम्रो नभएको भन्दै कुन दिशामा देशलाई लैजाने हो भनेर चिन्ता व्यक्त गरेका छन्।

संविधानसभाको अन्तरबस्तुमा सहमति जुटाउन नसकेका दलहरुबीच पछिल्लो समयमा दूरी पनि बढेको छ।

प्रतिक्रिया

सम्बन्धित सामाग्री

फेसबुक