काठमाडौं । नामिबियामा जारी आइसिसि डिभिजन टू लिग क्रिकेटमा आइतबार दोस्रो खेल नेपालले नेदरल्याण्डसँग खेल्नेछ। पहिलो खेलमा युगाण्डासँग २ रनले पराजित भएपछि शीर्ष दुईमा पर्ने संभावना कामय राख्नका लागि नेपालमाथि जित्नै पर्ने दवाव छ। नेदरल्यान्डले भने क्यानडालाई पराजित गर्दै गतिलो शुरुवात गरेको छ।
नेदरल्याण्डले शनिबार क्यानडाविरुद्ध २५१ रन बनाएको थियो। क्यानडा १ सय ९४ रनमा अल आउट भएको थियो। जवकी नेपालको मध्यक्रमका व्याट्सम्यानहरु चल्न नसक्दा युगाण्डाले प्रस्तुत गरेको १४७ रनको लक्ष्य पनि भेट्टाउन सकेन। नेपालले १ सय ४४ रन मात्रै बनाउन सक्यो।
राउन रोबिनको आधारमा सञ्चालित प्रतियोगिताको शनिबारको खेलमा आयोजक नामिबियाले केन्यालाई पराजित गरेको छ। युगान्डा र नामिबिया, क्यानडा र केन्याबीच आइतबार खेल हुनेछ ।
