मंगलबार, चैत १२ २०७५ | Tue, March 26, 2019
नेपालको समय: १०:१४ | UK Time: 04:29

क्याट्रिकमा बौद्ध विहार

विनेपाली
२०७१ माघ २७ गते १५:११
तस्वीर नर्देन एको

तस्वीर नर्देन एको

लण्डन । गोरखा सैनिकहरुको ब्यारेक तथा बसोबास रहेको युकेको उत्तरी क्षेत्र क्याट्रिकमा बौद्ध विहार स्थापना गरिएको छ ।
क्याट्रिक ब्यारेकभित्र स्थापना गरिएको सो विहारको ब्रिगेड अफ गोरखाजका कर्णेल जेम्स रोविन्सनले रिवन काटी सोमबार उद्घाटन गरे ।
विहारमा नेपालबाट भगवान बुद्ध, डोल्मा तारा र गुरु पद्मसम्भवको मूर्ति लगायत अन्य सामग्री नेपालबाट ल्याइएको हो ।
गोरखा कम्पनीका सैनिकहरुले आफूमा भएको सीप प्रयोग गरी सो विहार निर्माण गरेका हुन् ।
सो अवसरमा रोयल गोरखा राइफल्स, इन्फेन्ट्री बटालियनका मेजर डमरबहादुर शाहीले नयाँ भर्ती भएका गोरखाहरुको उपहारस्वरुप सो विहार बनेको बताए ।
“अहिले भर्ती भएका गोरखाहरु १७ देखि २१ वर्ष उमेरका छन् र उनीहरुमध्ये धेरै पहिलोपटक युके आएका छन्” शाहीले भने ।
“उनीहरुको ३९ साताको तालिम पूरा हुन अब चार हप्तामात्र बाँकी छ । सो तालिम पूरा भएपछि उनीहरु लजिस्टिक, इन्जिनियर र सिग्नल छान्न पाउने छन्” शाहीले भने ।
विहार सामाजिक तथा धार्मिक गतिविधिका लागि प्रयोग हुने गरेको छ । तालिमका दौरानमा गोरखाहरुले विहारमा बौद्ध धर्मगुरुसित ब्रिटिश सेनाको मूल्य मान्यताबारे कक्षा लिने गर्दथे ।
विहार उद्घाटन समारोहमा करिब ३०० गोरखाहरुको उपस्थिति रहेको थियो ।
ब्रिटिश सेनामा पहिले धार्मिक स्वतन्त्रता थिएन ।
सबै सैनिकहरुलाई हिन्दु बन्न बाध्य पारिन्थ्यो । नेपाल फर्कदा उनीहरु अपवित्र भएको र अभक्ष खाएको ठानी पतिया गरेर मात्र भित्र्याइने गरिन्थ्यो । तर केही वर्षदेखि पल्टनभित्र हिन्दू धर्मका अलाबा बौद्ध धर्म पनि मान्न दिइएको छ । हिन्दू पुजारीका साथै बौद्ध लामाहरुलाई पनि बेलायती सेनामा भर्ती गर्ने गरिएको छ ।

 

तस्वीर नर्देन एको

तस्वीर नर्देन एको

प्रतिक्रिया

सम्बन्धित सामाग्री

फेसबुक