आइतबार, कार्तिक ५ २०७४ | Sun, October 22, 2017
नेपालको समय: १५:५६ | UK Time: 11:11

नेपाल अध्ययन केन्द्र युकेलाई बिग लटरी फण्डको सहयोग

विनेपाली
२०७२ असार ३१ गते १७:३७

big lottery logo

लण्डन । युकेमा रहेको नेपाली अध्येताहरुको संस्था नेपाल अध्ययन केन्द्र (सिएनएस) युकेले युकेमा रहेका अल्पसंख्यक नेपालीहरुको बारेमा अध्ययन गर्न बिग लटरी फण्डबाट सहयोग पाएको छ ।
केन्द्रका अनुसार इथ्निक माइनोरिटी सोसल मोविलिटी प्रोजेक्टलाई फण्डले सहयोग गर्ने भएको हो ।
सो परियोजनाले अल्पसंख्यक नेपालीहरुको युकेमा आप्रवासन र सामाजिक अन्तरघुलनका बारेमा अध्ययन गर्ने बताइएको छ । नेपाली दोस्रो पुस्ताले कसरी अध्ययन, काम गरिरहेछन् भन्ने बारेमा खोज गरेर समग्रमा नेपालीहरु युकेमा कसरी समाहित भइरहेका छन् भन्ने बारेमा अध्ययन केन्द्रीत रहने छ ।
सो अध्यननमा फार्नब्रो र रेडिंगबाट १०० परिवार छनौट गरिने र उनीहरुसित विस्तृत अन्तर्वार्ता गरिने छ । त्यसका साथै स्थानीय काउन्सिलहरु, नेपाली समुदाय, सेवा प्रदायकहरु, राजनीतिज्ञहरु, नीतिनिर्माताहरुसित कार्यशाला गोष्ठी गरिने छ ।
अध्ययनको अन्तिम प्रतिवेदन १८ जुन २०१८ मा बिग लटरी फण्डमा पेश गरिने बताइएको छ । साथै निस्कर्ष र सुझावहरु मिडियामार्फत नेपाली समुदायमा पनि पुर्याइने बताइएको छ ।
केन्द्रका कार्यकारी निर्देशक लोकेन्द्रपुरुष ढकालले सीमित बजेटका बाबजुद केन्द्रले स्वयंसेवीहरुमार्फत ठूलो संख्यालाई समेट्ने लक्ष्य राखेको बताए ।
बिग लटरी फण्डले एक पाउण्डको लटरी टिकट बिक्रिमध्ये ११ पेन्स स्वास्थ्य, शिक्षा, वातावरण र समाजसेवामा लगाउने गरेको छ ।

प्रतिक्रिया

सम्बन्धित सामाग्री

फेसबुक