बिहीबार, चैत १७ २०७३ | Thu, March 30, 2017
नेपालको समय: २०:२३ | UK Time: 15:38

रहेनन् हास्य कलाकार लादालाम

रासस
प्रकाशित मिति:२०७३ मंसिर २४ गते १३:३९

09122016011733rp-copy-600x0

विराटनगर, २४ मङ्सिर । हास्य कलाकार रुद्रप्रसाद (आरपी) भट्टराईको ४१ वर्षको उमेरमा आज बिहान असमायिक निधन भएको छ ।

विराटनगरको पोखरियास्थित आफ्नी दिदीको घरमा गएराति खाना खाएर सुतेपछि आज बिहान उहाँ ओछ्यानमा मृत अवस्थामा पाइएको पारिवारिक स्रोतले जनाएको छ ।

उहाँको निधन हृदयघातको कारणले भएको अनुमान गरिएको छ । मोरङको मधुमारास्थित जयनेपाल चोकमा घर भएका उहाँले नेपाल टेलिभिजनको चर्चित सिरियल ‘तीतो सत्य’ मा महत्वपूर्ण भूमिका निर्वाह गर्नुभएको थियो ।

उहाँको एक श्रीमती र दुई छोरा छन् । हाटखोलास्थित सिग्याहा घाटमा दाहसंस्कार गरिने उहाँका शुभेच्छुक हरि भट्टराईले जानकारी गराउनुभयो ।

तपाईको प्रतिक्रिया




फेसबुक