पोखरा रङ्गशालामा सञ्चालित १५औँ संस्करणको आहा रारा फुटबल प्रतियोगिताअन्तर्गत बिहीबार भएको झापा–११ र एएनए युएसए बीच प्रतिपर्धा हुँदै । तस्बिरः हरि बाँस्तोला, पोखरा, रासस
पोखरा, ६ माघ । पन्ध्राँै आहा रारा गोल्ड कप फुटवल प्रतियोगिताको आज सम्पन्न खेलमा एएनए युएसएलाई ४–१ गोअन्तरले हराउँदै रमपम झापा ११ क्वाटर फाइनलमा प्रवेश गरेको छ ।
झापाको जितमा कर्ण सुब्बाले ह्याट्रिक गरेका थिए । उनले २४ औँ, ३० औँ र ९० औँ मिनेटमा गोल गर्दै ह्याट्रिक गरेका थिए । त्यस्तै ७४ औँं मिनेटमा बुद्ध चेम्जोङले एक गोल गरेका थिए ।
एएनए युएसएका तर्फबाट शिशिर विश्वकर्माले खेलको ८५ औँ मिनेटमा एक गोल गरेका थिए ।
क्वाटर फाइनलमा पुगेको झापाले यही माघ १० गते त्रिभुवन आर्मी क्लबसँग प्रतिष्पर्धा गर्नेछ ।