तस्विरः रोयटर्स
काबुल (अफगानिस्तान), २५ माघ । अफगानिस्तानको राजधानी काबुलमा रहेको एक अदालत नजिकै मङ्गलबार भएको आत्मघाती बम आक्रमणमा परी कम्तिमा १२ जनाको मृत्यु भएको अफगानी अधिकारीले बताएका छन् ।
घटनामा कम्तिमा १२ जना घाइते भएको बताइएको छ ।
एक जना आत्मघाती आक्रमणकारीले अदालतका कर्मचारीलाई लक्षित गरी विस्फोट गराएको अफगानिस्तानको गृह मन्त्रालयका प्रवक्ता नजिवुल्लाह डेनिसले बताउनुभयो ।
आक्रमणकारी पैदल अदालत परिसरमा प्रवेश गरेको र अदालतको गाडी पार्किङ क्षेत्रमा विस्फोट गराएको डेनिसले जानकारी दिनुभयोे ।
घटनामा १२ जनाको मृत्यु भएको र झन्डै सोही सङ्ख्यामा घाइते भएको उहाँले पुष्टि गरेपनि यस घटनाकारे विस्तृत विवरण प्राप्त भैनसकेको उहालेँ बताउनुभयो ।
