आइतबार, भदौ ४ २०७४ | Sun, August 20, 2017
नेपालको समय: ००:१९ | UK Time: 19:34

‘मुनलाइट’लाई ओस्कारको सर्वोत्कृष्ट चलचित्र पुरस्कार

रासस-सिन्ह्वा
प्रकाशित मिति:२०७३ फागुन १६ गते २०:४४

तस्विरः एपी

लसएन्जेल्स (अमेरिका), १६ फागुन । प्रसिद्ध अमेरिकी निर्देशक वारी जेनकिन्सद्वारा निर्देशित सिनेमा ‘मुनलाइट’ ले ८९ औँ एकेडेमी अवार्ड (ओस्कार पुरस्कार) अन्तर्गत सर्वोत्कृष्ट तस्बिर पुरस्कार हात पार्न सफल भएको छ ।

उक्त सिनेमा यस वर्ष आठौँ ओस्कार छनौटमा परेको थियो भने हालै सर्वोत्कृष्ट चलचित्रका लागि गोल्डेन ग्लोब अवार्ड पनि हात पार्न सफल भएको थियो ।

ओस्कार पुरस्कारका लागि मजबुत दाबेदार मानिएको लाला ल्यान्डलाई पछि पार्दै मुनलाइटले सर्वोत्कृष्ट चलचित्र पुरस्कार पाउन सफल भएको हो । लाला ल्यान्डले सर्वश्रेष्ठ निर्देशक, सर्वश्रेष्ठ अभिनेत्रीलगायत जम्मा ६ वटा ट्रफी जित्न सफल भएको छ ।

त्यसैगरी यस वर्ष एम्मा स्टोनले सर्वोत्कृष्ट अभिनेत्री बन्न सफल हुनुभएको छ । उहाँ चलचित्र ‘लाला ल्यान्ड’ मा अभिनय गरेकोमा पुरस्कृत बन्नुभएको हो ।

‘मेन चेस्टर बाइ द सी’ चलचित्रमा गरेको सफल अभिनयका लागि क्यासी अफलेक सर्वोत्कृष्ट नायक बन्न सफल बन्नुभएको छ ।

डामिएन चाजेलीले ८९ औँ ओस्कार पुरस्कारअन्तर्गत सर्वोत्कृष्ट निर्देशक पुरस्कार प्राप्त गर्न सफल हुनुभएको छ । उहाँ ‘लाला ल्यान्ड’ का निर्देशक हुनुहुन्छ ।

भाइओला ड्याभिसले यस वर्षको सर्वोत्कृष्ट सहनायिकाका रुपमा ओस्कार पुरस्कार प्राप्त गर्नुभएको छ ।

उहाँ पारिवारिक चलचित्र फेन्सेसमा आमाको भूमिकामा अभिनय गर्नुभएको थियो ।

तपाईको प्रतिक्रिया




फेसबुक