सोमबार, असोज ९ २०७४ | Mon, September 25, 2017
नेपालको समय: २२:५३ | UK Time: 18:08

क्यानडा पठाइदिन्छु भन्दै युवा ठग्ने पूर्व राष्ट्रिय फुटबल खेलाडी पक्राउ

रासस
प्रकाशित मिति:२०७४ असार ८ गते १३:२९

काठमाडौँ, ८ असार । प्रहरीले पूर्व राष्ट्रिय फुटबल खेलाडी लोकबहादुर शाहीलाई पक्राउ गरेको छ ।

प्रहरीको महानगरीय अपराध महाशाखाको टोलीले शाहीलाई आज टोखाबाट पक्राउ गरेको हो ।

महाशाखाका प्रमुख, वरिष्ठ प्रहरी उपरीक्षक दिनेश अमात्यले क्यानडा पठाइदिन्छु भन्दै युवालाई ठगी गरेको भन्दै परेको उजुरीको आधारमा अनुसन्धानका लागि शाहीलाई पक्राउ गरीएको जानकारी दिनुभयो ।

उहाँले भन्नुभयो– क्यानडा पठाइदिन्छु भन्दै उनले २५-३० जना युवाबाट रु दुई लाख ५० हजारका दरले लिएको रसिद फेला परेको छ । रसिद दिएको भन्दा पनि बढी पैसा लिएको पीडित युवाले बताएका छन् ।

क्यानडा पठाइदिन्छु भन्दै रकम उठाए पनि लामो समयसम्म नपठाएपछि पीडित युवाले प्रहरीमा उजुरी गरेका थिए । शाही अखिल नेपाल फुटबल सङ्घका पूर्व महासचिव तथा पूर्व राष्ट्रिय गोलकिपर हुन् ।

तपाईको प्रतिक्रिया




फेसबुक