सोमबार, मंसिर ४ २०७४ | Mon, November 20, 2017
नेपालको समय: ०७:४९ | UK Time: 02:04

सडक बालबालिकाको विश्व कपमा पहिलोपटक नेपाल

विनेपाली
२०७४ असार १० गते १०:३३

लन्डन । सडक बालबालिकाबीच सन् २०१८ मा मस्कोमा हुने तेश्रो ‘स्ट्रिट चाइल्ड वल्ड कप’ मा नेपालका बालबालिका पहिलोपटक सहभागी हुने भएका छन् । झण्डै ५ वर्षको प्रयासपछि नेपालले उक्त प्रतियोगितामा अवसर पाएको हो । नेपाल सहित २४ राष्ट्रिय टिमले भाग लिने उक्त प्रतियोगितामा विश्वभरका करिब दुई सयभन्दा बढि बालबालिका एकै प्लेटफर्ममा उपस्थित हुने बिहीबार आयोजकले मस्कोमा जनाएका हुन् । स्ट्रिट चाइल्ड युनाइटेडले रसियन फुटबल फेडेरेसनको सहकार्यमा प्रतियोगिता गर्न लागेको हो ।

सडक बालबालिकाको रेखदेख र पालनपोषण गर्दै आएको काठमाण्डौंस्थित सेल्टर नामक संस्थाको पहलमा नेपालले प्रतिनिधित्व गर्न पाएको सेल्टरकी अध्यक्ष खुश्बु ओलीले मस्कोबाट जनाइन् । उनले प्रतियोगिताका लागि देशभरबाट बालबालिका छनोट गरिने जनाउंदै यसमा आर्थिक, सामाजिक तथा मानसिक सहयोग गरिदिन सबैमा आग्रह गरेकी छन् ।

विश्व कप प्रतियोगिताको पहलप्रति पोप फ्रान्सिस, बेलायती राजकुमार विलियम तथा आर्चबीसप डेसमण्ड टुटको पनि समर्थन छ । यस अलवा लियोनेल मेसी, पेले, डेभिड बेकहयाम, पूर्व म्यानचेस्टर युनाइटेड म्यानेजर सर एलेक्स फरगुसनले पनि साथ दिएका छन् ।

सिमान्तकृत सडक बालबालिकाको प्रतिभा उजागर गर्न र उनीहरुप्रति समाजमा रहेको नकारात्मक मानसिकता हटाउन प्रतियोगिता उपयुक्त प्लेटफार्म हुने बताइएको छ ।

प्रतिक्रिया

सम्बन्धित सामाग्री

फेसबुक