बिहीबार, मंसिर २८ २०७४ | Thu, December 14, 2017
नेपालको समय: ०४:२० | UK Time: 22:35

बलिउड कलाकार सञ्जय दत्त चलचित्रमा फर्किए

विनेपाली
२०७४ असोज ७ गते १:१८

मुम्बई, ६ असोज (रासस-एएफपी) – भारतीय चलचित्र उद्योग बलिउडका एकजना चर्चित कलाकार सञ्जय दत्त पुनः चलचित्रमा फर्किनुभएको छ ।

उहाँ चार बर्ष जेल जिवनपछि पुनः यस क्षेत्रमा फर्किनुभएको समाचार भारतीय सञ्चारमाध्यमहरुले दिएका छन् ।

चार बर्षको जेल जिवनपछि उहाँले पहिलो पटक भुमी नामक उहाँद्वारा अभिनित चलचित्रको बारेमा शुक्रबार पोस्टरमार्फत जानकारी गराइएको छ ।

उक्त चलचित्रमा उहाँले नायिकाको बुबाको भूमिका निर्वाह गर्नुभएको छ । शुक्रबारै सो चलचित्र सार्वजनिक हुने पोस्टर भारतका विभिन्न स्थानमा टाँसिएको छ ।

चलचित्रमा नायिका रहेकी आफ्नी छोरीलाई बलात्कार गर्नेहरुलाई बदला लिने एक जना सशक्त बुबाको भूमिकामा उहाँ सो चलचित्रमा भूमिका निर्वाह गर्नुभएको छ ।

उहाँ सन् २०१६ मा जेलमुक्त हुनुभएको थियो । सन् १९९३ मा भएको मुम्बई बम हमलाका समयमा उहाँमाथि हतियार आपूर्ति गरेको आरोप लागेको थियो । सोही अभियोगका लागि उहाँ चार बर्ष जेल बस्नुपरेको थियो ।

अन्ठाउन्न बर्षीय दत्त पुनः चलचित्रमा फर्किनुभएको समाचार भारतीय सञ्चारमाध्यमहरुका साथै शुक्रबारका सामाजिक सञ्जालहरुमा पनि राखिएको बताइएको छ ।

ओमुङ् कुमारले निर्देशन गर्नुभएको सो चलचित्र सञ्जय दत्तकै कारण निकै चर्चित हुने अपेक्षा सर्वत्र गरिएको ती समाचारहरुमा जनाइएको छ ।

सञ्जय दत्तलाई मन पराउने सर्वासाधारणहरुले उक्त चलचित्रको टिकट पहिले नै लिइसकेका र चलचित्र हलमै पुगेर हेर्ने योजना बनाएको जनाएका छन् ।

उहाँले यसबाहेक अरु तीन वटा चलचित्रमा अभिनय गर्दैहुनुहुन्छ । ती चलचित्रको छायाङ्कनका लागि उहाँ केही महिनादेखि नै निकै ब्यस्त रहदै आउनुभएको छ ।

प्रतिक्रिया

सम्बन्धित सामाग्री

फेसबुक