बिहीबार, मंसिर २८ २०७४ | Thu, December 14, 2017
नेपालको समय: ०४:२३ | UK Time: 22:38

एभरेष्ट इनका एक्जुकेटिभ सेफ पाण्डेलाई अन्तर्राष्ट्रिय पुरस्कार

विनेपाली
२०७४ असोज २४ गते २१:५७

लन्डन । एभरेष्ट इनका एक्जुकेटिभ सेफ शंकर पाण्डेले इन्टरनेशनल इण्डियन सेफ अफ दि इयर प्रतिष्पर्धामा रनरअप पुरस्कार प्राप्त गर्न सफल भएका छन् । लन्डनस्थित आइएलइसी कन्फरेन्स सेन्टरमा सोमबार आयोजित गाला डिनरमा पाण्डेले उक्त प्रतिष्ठित पुरस्कार ग्रहण गरेको एभरेष्ट इनले जनाएको छ ।

कोलम्बिया १४०० की संरक्षक बेलायती प्रिन्सेस एनको समुपस्थितिमा उक्त पुरस्कार पाएपछि पाण्डेले प्रसन्नता व्यक्त गर्दै यसले गौरवान्वित बनाएको बताएका छन् । पुरस्कारले अझ स्वादिष्ट खाना पस्कने चुनौति थपिएको उनले बताए ।

कुल आठ हजार आवेदनमध्ये टप ८ मा सेकेन्ड भएका पाण्डेले गत साता लन्डन देखि ग्लास्गोसम्मको यात्रामा भर्जिन ट्रेनभित्रै सहयोगी बिना खाना प्रदर्शन गरेका थिए । उनी एभरेष्ट इनमा स्थापनाकाल अर्थात विगत १५ वर्षदेखि आवद्ध छन् । एभरेष्ट इनका ब्ल्याकहिथ, आसफोर्ड, हाइथ र स्कटल्याण्डमा शाखा छन् भने पाण्डे ति रेष्टुरेन्टका अलराउण्डर एक्जुकेटिभ सेफ हुन् ।

मिसलेन स्टारसहित इटालियन, युरोपियन रेष्टुरेन्टमा समेत सेफ भएर काम गरेको अनुभव उनीसंग छ ।

एभरेष्ट इनले यसअघि एसियन करी अवार्ड, ओरन्टियल एण्ड एसियन सेफ अफ द इयर जस्ता अवार्ड पाइसकेको छ । उक्त रेष्टुरेन्टका खाना बेलायतको पार्लियामेन्ट, विदेश मन्त्रालय, नेपाली दूतावास आदि निकायमा जान्छ र कयौं बेलायती तथा भारतीय सेलिब्रेटीहरुको रोजाइमा छ ।

प्रतिक्रिया

सम्बन्धित सामाग्री

फेसबुक