आइतबार, कार्तिक ५ २०७४ | Sun, October 22, 2017
नेपालको समय: १५:५७ | UK Time: 11:12

महाबीर पुनलाई बेलायतमा ‘तानातान’

विनेपाली
२०७४ असोज २७ गते १०:५३

लन्डन । एसियाको नोबेल पुरस्कार मानिने ‘रामोन म्यागासेसे’ पुरस्कार विजेता सामाजिक अभियन्ता महावीर पुनको बेलायत बसाइ अत्यधिक व्यस्त बनेको छ । गत ५ तारिख लन्डन हिथ्रो ओर्लिएका उनी फर्कने दिन नोभेम्बर ६ सम्म व्यस्त छन् । बेलायतका दर्जन भन्दा बढि स्थानमा उनीसंग भेटघाट, साक्षात्कार तथा सेमिनार तय गरिएका छन् ।

राष्ट्रिय आविष्कार केन्द्र निर्माणमा जुटेका पुनले बेलायत भ्रमणका क्रममा नेपालका दुर्गम वस्तीलाई इन्टरनेटसम्म जोड्ने आफ्नो अभियानबारे जानकारी दिनेछन् । ‘आविष्कार केन्द्रलाई सहयोग माग्न भन्दा पनि उक्त अभियानबारे अवगत गराउने मेरो मुल उद्देश्य हो’, माया पबमा अनौपचारिक भेटमा पुनले भने, ‘स्वेच्छाले सहयोग गर्नुहुन्छ भने स्वागत छ ।’

बेलायतस्थित उनका सहयोगी मणी पुनका अनुसार महावीरसंग बर्मिङहाम, बेलफास्ट, स्वीन्डन, अल्डरसट, युनिभर्सिटी अफ सरे, स्वान्सी, कार्डिफ, ननिटन, मेडस्टोन, रेडिङ, फुलफोर्ड ब्यारेक्स र हेल्स ब्यारेक क्याट्रिक, स्टाफोर्ड, ब्लान्डफोर्ड क्याम्प, प्लमस्टिड, माया पब हयारो, तमुधिं यूके हल मिचेट, यूडब्लुएस लन्डन क्याम्पस लगायत ठाउंमा सेसन राखिएको छ ।

२७ तारिख अल्डरसटस्थित एम्पायर हलमा अझ वृहत सहभागिताबीच कार्यक्रम गर्ने तयारी छ ।

प्रतिक्रिया

सम्बन्धित सामाग्री

फेसबुक