बिहीबार, मंसिर ७ २०७४ | Thu, November 23, 2017
नेपालको समय: १३:०९ | UK Time: 07:24

राष्ट्रपति र प्रधानमन्त्रीबाट भाइटीका

विनेपाली
२०७४ कार्तिक ४ गते १२:२६

राष्ट्रपति विद्यादेवी भण्डारीले शीतलनिवासमा शनिबार शुभसाइतमा भाइ डेगेन्द्र पाण्डेलाई टीका लगाइदिनुहुँदै । तस्बिर सौजन्य–राष्ट्रपतिको कार्यालय, रासस

काठमाडौँ, ४ कात्तिक (रासस) – राष्ट्रपति विद्यादेवी भण्डारीले आज विहान ११ बजेर ५१ मिनेटको शुभसाइतमा आफ्ना भाइ डेगेन्द्र पाण्डेलाई टीका लगाइदिनुभयो ।

राष्ट्रपति निवास शीतलनिवासमा भएको भाइटीकाको कार्यक्रममा राष्ट्रपति भण्डारीले टिका लगाएर भाइलाई आशिर्वाद दिँदै कटुस, ओखर र मिठाइ खुवाएर भ्रातृवात्सल्य प्रस्तुत गर्नुभयो । भाई डेगेन्द्र पाण्डेले दक्षिणा प्रदान गरेर उहाँसंग आशीर्वाद लिनुभयो ।

प्रधानमन्त्री देउवाले लगाए टीका

प्रधानमन्त्री शेरबहादुर देउवाले बालुवाटारमा शनिबार विहान शुभ साइतमा बहिनी दुर्गादेवी चन्दबाट टीका लगाउनुहुँदै । तस्बिर – रत्न श्रेष्ठ, रासस

काठमाडौँ, ४ कात्तिक – प्रधानमन्त्री शेरबहादुर देउवाले आफ्नी बहिनी दुर्गादेवी चन्दबाट टीका लगाउनुभयो ।

उहाँले भाइटीका पर्वको उपलक्ष्यमा प्रधानमन्त्रीको सरकारी निवास बालुवाटारमा विहान साइतमै बहिनी चन्दबाट टीका ग्रहण गर्नुभएको हो । टिका लगाइदिएपछि बहिनी चन्दले प्रधानमन्त्री देउवालाई कटुस, ओखर र मिठाइ खुवाएर भ्रातृवात्सल्य प्रस्तुत गर्नुभयो ।

सो अवसरमा प्रधानमन्त्री देउवाले सञ्चारकर्मीसँग संक्षिप्त कुरा गर्दै सम्पूर्ण नेपालीको सुख, शान्ति, समृद्धि र दीर्घायुको कामना गर्नुभयो ।

संविधान कार्यान्वयनसँगै मुलुकमा स्थायी शान्ति र आर्थिक विकासतर्फ केन्द्रित हुन समेत सबै राजनीतिक दलका नेतालाई उहाँले आह्वान पनि गर्नुभयो ।

प्रतिक्रिया

सम्बन्धित सामाग्री

फेसबुक