बिहीबार, मंसिर २८ २०७४ | Thu, December 14, 2017
नेपालको समय: ०४:१४ | UK Time: 22:29

ट्रम्पको जेरुसेलम घोषणाले दन्कियो आगो

रासस-सिन्ह्वा
२०७४ मंसिर २१ गते १९:१८

ट्रम्पको घोषणाविरुद्ध टायर बालेर प्रदर्शन गर्दै प्यालेस्टिनीहरू । तस्विर- एपी

गाजा, २१ मङ्सिर – प्यालेस्टिनीहरूको स्वतन्त्र राज्य माग गर्दै लामो समयदेखि सङ्घर्षरत इश्लामिक हमास आन्दोलन समूहद्वारा अमेरिकी राष्ट्रपति डोनाल्ड ट्रम्पको जेरुसेलमलाई इजरायलको राजधानीका रूपमा मान्यता दिने कदम विरुद्ध व्यापक आन्दोलन गर्न विहीबार आह्वान गरेको छ ।

वेस्ट वैंक, गाजा क्षेत्र र पूर्वी जेरुसेलममा प्यालेस्टिनीहरूले ट्रम्पको अमेरिकी राजदूतावासलाई तेल अभिभबाट जेरुसेलम सार्ने र जेरुसेलमलाई इजरायलको राजधानीको मान्यता दिने कदम विरुद्ध विशाल प्रदर्शन गरिरहेका बेला हमासद्वारा ‘इन्तिफादा’ भनिने नयाँ आन्दोलन घोषणा गरेको छ ।

हमासका नेता इस्माइल हानियले गाजामा एक पत्रकार सम्मेलन गर्दै ‘इन्तिफादा’ को घोषणा गर्नुभएको हो । उहाँले भन्नुभयो, ‘आगामी दिन आम विरोधमार्फत जेरुसेलमको स्वतन्त्रता जोगाउन उत्रिनुपर्ने अवस्था सिर्जना भएको छ ।’

इजरायलको विरोधमा यसअघि पहिलो आन्दोलन सन् १९८७ देखि सन् १९९३ सम्म चलेको थियो भने दोस्रो आन्दोलन सन् २००० मा शुरु भएको थियो ।

यसैबीच इजरायली प्रधानमन्त्री बेन्जमिन नेतान्याहुले ट्रम्पको प्रशंसा गर्दै उहाँ अब जेरुसलेमको इतिहाससँग संधैका लागि जोडिएको प्रतिक्रिया दिनुभएको छ । नेतान्याहुले अमेरिकी राष्ट्रपतिको बुधबार घोषणा गरिएको कदमलाई ‘ऐतिहासिक’ भनी प्रशंसा गर्नुभएको छ ।
तर, अमेरिकी राष्ट्रपतिको निर्णयप्रति बेलायत, फ्रान्स, साउदी अरब लगायतका अमेरिकाका पुराना मित्र शक्तिले विरोध गरेका छन् ।

साउदी अरबले अमेरिकी कदमलाई ‘आधारहीन र गैरजिम्मेवार’ भनेको छ भने फ्रान्स र बेलायतले अमेरिकी कदमको समर्थन नगर्ने देखिएको छ । प्यालेस्टिनी राष्ट्रपति मोहम्मद अब्बासको फताह पार्टीले ट्रम्पको निर्णयलाई निन्दनीय भन्दै पछिल्लो निर्णयबारे राष्ट्रसंघमा उजुरी दिने बताएको छ ।

यसै विषयमा अरब लिगले शनिबार आपतकालीन बैठक आयोजना गर्न लागेको छ भने राष्ट्रसंघीय सुरक्षा परिषद्को बैठक शुक्रबार हुने अपेक्षा गरिएको छ ।

प्रतिक्रिया

सम्बन्धित सामाग्री

फेसबुक