बिहीबार, माघ ४ २०७४ | Thu, January 18, 2018
नेपालको समय: १३:४५ | UK Time: 08:00

अदालतको मानहानीको औजार बढि भयो – प्राध्यापक सुवेदी

विनेपाली
२०७४ पुष २५ गते १९:४७

लन्डन । ग्लोवल पोलिसी फोरम फर नेपालका अध्यक्ष तथा बेलायतको लिड्स विश्वविद्यालयमा अन्तर्राष्ट्रिय कानुनका प्राध्यापक क्यूसी प्रा. सूर्यप्रसाद सुवेदीले सार्वजनिक पदमा बसेका व्यक्तिले उनीहरुको काम वा व्यक्तित्वकाबारेमा आलोचना सुन्न सक्नुपर्ने बताएका छन् ।

डा. गोविन्द केसीलाई अदालतको अवहेलना मुद्दामा पक्राउ गरि बयान लिइएका सम्वन्धमा प्राध्यापक सुवेदीले उक्त धारणा राखेका हुन् । ‘आलोचना प्रजातन्त्रको एउटा अंग हो’, सुवेदीले भने, ‘अदालतको मानहानीको औजार विरलै र निकै सावधानीपूर्वक मात्र प्रयोग गर्नुपर्छ । केसीलाई दोषी ठहराइए पनि उहांले अपिल गर्न पाउनुपर्छ । अपिलपछि पनि दोषी ठहराएमामात्र गिरफतार गर्न पाइन्छ । अहिले उनको गिरफ्तारी न्यायोचित होइन ।’

यसअघि सुवेदीले मंगलबार एक विज्ञप्ति प्रकाशित गरि राष्ट्रिय महत्वका विषयमा आफ्ना केही माग राखी शान्तिपूर्ण तरिकाले अनसन बसेका केसीलाई पक्रनुले नेपालको छवि अन्तर्राष्ट्रिय स्तरमा धुमिल भएको उल्लेख गरेका थिए । उनले नेपालको न्याय 
’छापामार शैली’ को भन्दै आक्रोश र निन्दा समेत गरेका छन् ।

‘माओवादी र कांग्रेस गठबन्धनले छापामार शैलीमा रातारात तत्कालिन प्रधानन्यायधिश सुशीला कार्कीलाई निर्लज्ज तरिकाले महाअभियोग लगाएको धेरै समय नबित्दै अहिले सर्वोच्च अदालत आफैंले हतार हतार छापामार शैलीमा केसीलाई गिरफ्तार 
गर्न आदेश दिनु र प्रहरी प्रशासनले पक्रनु निन्दनीय छ । यसले अन्तर्राष्ट्रिय स्तरमा नेपालको छवि धुमिल भएको छ’- सुवेदीको वक्तव्यमा 
छ ।

प्रतिक्रिया

सम्बन्धित सामाग्री

फेसबुक