सोमबार, असोज ८ २०७५ | Mon, September 24, 2018
नेपालको समय: ०८:१५ | UK Time: 03:30

साउथ इष्ट रिजनल तमुधिं लन्डन इकाईको आफ्नै भवन

विनेपाली
२०७४ पुष २५ गते २३:५७

लन्डन । साउथ इष्ट रिजनल तमुधिं लन्डन इकाईले आफ्नै भवन खरिद गरेको छ । तमुधिं यूकेका सात वटा इकाई मध्ये प्रभावशाली ठानिने साउथ इष्ट लन्डन इकाईले गत वर्ष करिब साढे तीन लाख पाउण्डमा अब्बीउडमा आफ्नै भवन खरिद गरेको हो । यसलाई अरु इकाई भन्दा ठूलो मानिन्छ ।

‘भवन खरिद भएपछि संस्थाप्रति अपनत्व र जिम्मेवारी अझ बढि हुने रहेछ’, इकाइका महासचिव हयारी गुरुङले वीनेपालीसंग भने, ‘हामी भविष्यमा जातीय तथा सामुदायिक हितका कार्यमा थप क्रियाशिल हुनेछौं ।’

महासचिव गुरुङले यही १३ जनवरीमा प्लमस्टिडको एसियन कम्युनिटी हलमा १५ औं ल्होछार मनाउन लागिएको समेत अवगत गराए । इकाईले पूजा लगायत कार्यक्रम बिहान ११ बजेबाटै सुरु गरेपनि औपचारिक कार्यक्रममा उपस्थित हुन प्रमुख अतिथि तथा अतिथिहरुलाई दिउंसो तीन बजे आमन्त्रणा गरेको छ ।

उक्त अवसरमा गायिका मौसमी गुरुङ, मेलिना राई, गायक नरजंग गुरुङ र स्थानीय कलाकारले मनोरन्जन प्रदान गर्ने छन् । महासचिव गुरुङका अनुसार ल्होछारको 
उद्घाटन भने रोयल बोरो अफ ग्रीनवीचका पूर्व मेयर नोर्मन आदमले गर्ने कार्यक्रम छ ।

इकाईको आफ्नै भवनमा गत आइतबार ल्होछार तयारी बैठक भएको थियो । इकाई अध्यक्ष श्रीचन्द्र गुरुङको अध्यक्षतामा भएको उक्त बैठकमा सल्लाहकार मोहन गुरुङ लगायतले कार्यक्रम सफल बनाउने सम्वन्धमा विभिन्न सुझाव दिएका थिए ।

प्रतिक्रिया

सम्बन्धित सामाग्री

फेसबुक