बिहीबार, माघ ४ २०७४ | Thu, January 18, 2018
नेपालको समय: १३:४२ | UK Time: 07:57

छिन्ताङमा मारिएका १६ जना सहिद घोषणा, प्रदेश प्रमुख र अस्थायी राजधानी तोकिएन

विनेपाली
२०७४ पुष २८ गते ६:२५

तस्बिर – रोशन सापकोटा, रासस

काठमाडौं—सरकारले ३८ वर्षअघि धनकुटाको छिन्ताङमा मारिएका १६ जनालाई सहिद घोषणा गरेको छ । शुक्रबार विहान सिंहदरबारमा बसेको मन्त्रिपरिषद्को बैठकले यस्तो निर्णय गरेको हो ।

२०३६ सालको कात्तिकमा धनकुटाको छिन्ताङमा प्रहरीको गोली लागेर १६ जनाको हत्या भएको थियो । तत्कालीन समयमा भूमिगत राजनीति गरिरहेको नेकपा मालेका गतिविधी नियन्त्रणको बहानामा उक्त क्रुर गोलीकाण्ड मञ्चन गरेको थियो ।

तर, त्यसको ३८ वर्षपछि सरकारले उक्त गोलीकाण्डमा मारिएका १६ जनालाई नै सहिद घोषणा गरेको हो ।

यस्तै, आजको बैठकले प्रदेश प्रमुख र प्रदेशका अस्थायी मुकाम तोक्ने अपेक्षा गरिएको थियो । तर, आजको मन्त्रिपरिषदको बैठकले यी दुवै निर्णय नगरेको सरकार प्रवक्ता तथा सञ्चारमन्त्री मोहनबहादुर बस्नेतले जानकारी दिए ।

प्रतिक्रिया

सम्बन्धित सामाग्री

फेसबुक