चारभन्ज्यांग तमु समाज युकेको च्यारिटी डिनर शनिबार

लण्डन । पर्वत जिल्लाको भँगरा, दादा, ठानामौला र लामे क्षेत्रमा स्वास्थ्य, शिक्षा, पर्यटन र स्थानीय विकासका कार्यक्रमहरु संचालन गर्दै आएको चारभन्ज्यांग तमु समाज युकेले यही शनिबार (२४ फेब्रुअरी) च्यारिटी डिनर गर्ने भएको छ ।

अल्डरसटस्थित एम्पाएर बांक्वेटिङ हलमा साँझ ५ बजे आयोजना गरिएको सो च्यारिटीबाट संकलित सहयोग स्वास्थ्यसेवा, शैक्षिक पूर्वाधार विस्तार र छात्रवृत्ति वितरणमा खर्च गरिने समाजका अध्यक्ष मेजर रिटायर्ड कृष्णबहादुर गुरुङले जानकारी दिए । ‘च्यारिटीको उद्देश्य चारभन्ज्यांग क्षेत्र विकास परियोजनाका लागि फण्ड संकलन गर्नु हो’- उनले भने ।

सन् २००७ मा युकेको च्यारिटी कमिसनमा दर्ता भएको सो समाजले सो क्षेत्रमा टेलिमेडिसिन सेन्टर, स्वास्थ्य शिविर, औषधि वितरण गर्दै आएको छ । समाजले स्वीनफेन च्यारिटेवल ट्रष्ट युकेको सहयोगमा लिमीठानामा टेलिमेडिसन सेन्टर स्थापना गरेको छ भने अन्तर्राष्ट्रिय स्वास्थ्य साझेदार युकेको सहयोगमा निशुल्क औषधि वितरण गर्दै आएको छ । यस्तै, सेलिन फाउण्डेसनको सहयोगमा भँगरा, खाल्टे र लामेमा वार्षिक स्वास्थ्य शिविर चलाउँदै आएको छ ।

समाजले नेपाल सरकारको सहयोग बिना नै क्लिनिक र पाँच स्वास्थ्यकर्मीको खर्च ब्यहोर्दै आएको छ ।

समाजलाई सहयोग गर्न चाहनेहरुलाई समाजको वेभ www.charbhanjyang.com मार्फत गर्न सकिने छ ।

प्रतिक्रिया

सम्बन्धित सामाग्री