बिहीबार, मंसिर २७ २०७५ | Thu, December 13, 2018
नेपालको समय: २१:२४ | UK Time: 15:39

आइसिसी एकदिवसीय विश्वकप छनोट- नेपाल जिम्बाब्वेसँग ११६ रनले पराजित

विनेपाली
२०७४ फागुन २० गते १५:४३

काठमाडौँ-आइसिसी एकदिवसीय विश्वकप छनोटअन्तर्गत पहिलो खेलमा नेपाल जिम्बाब्वेसँग ११६ रनले पराजित भएको छ । आइतबार जिम्बाब्वेस्थित क्वीन्स स्पोर्टस क्लबमा टस जितेर पहिले व्याटिङ रोजेको जिम्बाबेले दिएको  ३८१ रनको विशाल लक्ष्य पछ्याउने क्रममा निर्धारित ५० ओभरमा आठ विकेटको क्षतिमा २६४ रन मात्र जोड्न सक्यो ।

नेपालका लागि दुई ब्याटसम्यानले अर्धशतक प्रहार गरेपनि जित दिलाउन पर्याप्त रहेन । नेपालका लागि शरद भेषवाकरले ५२, अरिफ शेखले ५० रन जोडेका थए । ज्ञानेन्द्र मल्लले ३२, दिलिप नाथले दुई, कप्तान पारस खड्काले ४०, दिपेन्द्रसिंह ऐरीले २३,  रोहित कुमारले ३०, सोमपाल कामीले ११, वसन्त रेग्मीले २ र सन्दिप लामिछानेले ६ रन बनाएका थिए ।

आयोजक जिम्बाब्वेले निर्धारित ५० ओभरमा ६ विकेट गुमाएर ३८० रनको योगफल बनाएको थियो ।  जिम्बाब्वेका लागि शिकन्दर राजा र ब्रेन्डन टेलरले शतक प्रहार गरे । शिकन्दरले सर्वाधिक १२३ रन जोडे भने ब्रेन्डन १०० रन जोड्दै आउट भए । त्यसैगरी, जिम्बाब्वेका सोलोमन मिरेले ५२ रन बनाए ।

त्यसैगरी, सेफास झुवाओले ४१, क्रेग एर्भिनले ३४ तथा ह्यामिल्टन मासाकाड्जाले १७ रन जोडे । नेपालका लागि वसन्त रेग्मीले दुई विकेट लिए भने सोमपाल कामी, ललितनारायण राजवंशी र सन्दिप लामिछानेले एक/एक विकेट लिए ।

हारसँगै नेपालको विश्वकपमा छनोट हुने सम्भावना झनै क्षीण हुँदै गएको छ । नेपालले अर्को खेल आगामी विहीबार स्कटल्याण्डसँग खेल्नेछ ।

प्रतिक्रिया

सम्बन्धित सामाग्री

फेसबुक