आइतबार, जेठ १३ २०७५ | Sun, May 27, 2018
नेपालको समय: ०५:०५ | UK Time: 00:20

सन्नी लियोनी बनिन् जुम्ल्याहा बच्चाकी आमा

विनेपाली
२०७४ फागुन २१ गते १५:४९

छोरीका रुपमा निशा कौरलाई ‘एडप्ट’ गरेपछि एक पटक फेरि सन्नी लियोनी र डेनियल बेबरले आफ्ना फ्यानहरुलाई नयाँ खबर दिएका छन् । सन्नी केही हप्ताअघि जुम्ल्याहा छोराकी आमा बनेकी छिन् ।

उनीहरुले दुवैले आफ्ना छोराहरुको नाम अशार सिंह वेबर र नूह सिंह वेबर राखेका छन् । सन्नीले यो कुरा माइक्रोब्लगिङ साइट ट्वीटरमा पोष्ट गरेकी छिन् । ट्वीटरमा पोष्ट गरिएको फोटोमा सन्नी र डेनियल आफ्ना दुई वटा छोरासँगै देखिएका छन् ।

फोटोसँगै सन्नीले एउटा पोष्ट पनि गरेकी छिन् । जसमा उनले लेखेकी छिन्, ‘भगवानको योजना । २१ जुन २०१७ त्यो दिन थियो, जब डेनियल र मैले यो अनुमान गरिसकेका थियौं कि अबको केही समयमै हाम्रा तीन वटा बच्चा हुनेछन् । हामीले योजना सहित फ्यामिली बनायौं । कयौ वर्षपछि अशार सिंह बेवर, नूह सिंह वेबर र निशा कोर वेबरसाथ हाम्रो परिवार पूर्ण भयो । हाम्रा छोराहरुको जन्म केही हप्ता पहिले भएको हो । तर, उनीहरु हाम्रो मुटु र आँखामा वर्षौदेखि जिउँदै थिए ।’

भावुक रुपमा प्रस्तुत भएकी सन्नीले अगाडि लेखेकी छिन्, ‘भगवानले हाम्रा लागि केही खास योजना बनाए र हामीलाई एक ठूलो परिवार दिए । अब हामी तीन सुन्दर बच्चाका गौरवशाली अभिभावक हौ । सबैका लागि सरप्राइज ।’

जुलाई २०१७ मा सन्नी र उनका पति डेनियलले महाराष्ट्रको लातुरबाट छोरी निशा कौरलाई ‘एडप्ट’ गरेका थिए । यसका लागि उनीहरुले त्यसको दुई वर्षअघि नै ‘अप्लाइ’ गरेका थिए ।

भारतीय समाचार माध्यमका रिपोर्टअनुसार सन्नीका दुई छोरा अशार र नूहको जन्म सेरोगेसीबाट भएको हो ।

प्रतिक्रिया

सम्बन्धित सामाग्री

फेसबुक