आइतबार, कार्तिक ४ २०७५ | Sun, October 21, 2018
नेपालको समय: १२:०४ | UK Time: 07:19

नेपालका बालबालिका बेचविखनबारे बनाइएको फिल्म अप्रिलबाट

विनेपाली
२०७४ फागुन २६ गते १२:५५

लन्डन । भारतीय सर्कसबाट फर्किएका नेपाली चेलीले पहिलो पटक सन् २०१० मा ‘सर्कस काठमाडौं’ स्थापना गरे । सर्कसमार्फत बालबालिका बेचविखनविरुद्ध एकजुट हुन प्रेरित गर्ने एउटा प्लेटफर्म मानिन्छ सर्कस 
काठमाडौं । बेचविखनबाट बचेका चेली, उनीहरुले चलाएको सर्कस काठमाडौं र त्यसका गतिविधिमा आधारित भएर बनाइएको फिल्म ‘इभन हवेन आइ फल’ अप्रिलबाट प्रदर्शनमा आउने भएको छ । निर्माण पक्षले एक विज्ञप्तिमार्फत उक्त जानकारी दिएको हो ।

स्काइ निल र केट म्याकलरनोनले निर्देशन गरेको उक्त फिल्म ९५ मिनेट लामो र नेपाली तथा अंग्रेजी सबटाइटिलमा उपलव्ध छ ।

अन्तर्राष्ट्रिय नारी दिवस ८ मार्चदेखि उक्त फिल्मको ‘प्रिभ्यू टुर’ एवं प्रश्नोत्तर सेसन बेलायतभर चलिरहेको छ । १३ अप्रिलबाट फिल्म औपचारिक रुपमा प्रदर्शन गरिने निर्माण पक्षले जनाएको छ ।

बाफ्टा मनोनित निर्माता इल्हम सेकरिफारको लगानी छ फिल्ममा । फिल्मले मानव बेचबेखिन मुद्दालाई वहसमा ल्याइ महिला सशक्तिकरण, स्वतन्त्रता र उनीहरुलाई शिक्षा दिन सघाउने निर्देशकद्वयको विश्वास छ । सर्कस काठमाडौंसंग ५ वर्ष निकट रहेर फिल्म सशक्त र सुन्दर बनाइएको निर्देशकहरुको दावी छ ।

ब्रिटिश इन्डिपेन्डेन्ट फिल्म अवार्डस अन्तर्गत ‘द डिस्कोभरी अवार्ड’ का लागि मनोनित भइसकेको उक्त फिल्ममा शितल र सरस्वती मुख्य पात्र छन् । उनीहरु बेचविखन गरि भारतीय सर्कस पुरयाइ पछि नेपाल फर्काइएका हुन्छन् । उनीहरुले जीवनमा धेरै सास्ती खेपे । आफूहरु बेचिएकामा परिवारसंग मुकाविला गरे र अन्तिममा त्यहांबाट उम्किएर आफ्नो भविष्य आफैंले बनाउन शुरु गरे । शितल र सरस्वतीसहित बेचबिखनबाट उम्किएका अन्य ११ जना मिलेर बनाएका हुन् सर्कस काठमाडौं ।

शितल ८ वर्ष छंदा उनलाई भारतीय सर्कस लगिएको थियो । १४ वर्षमा उनको बिहे मालिकका छोरासंग हुन्छ, १७ वर्षसम्म उनका तीन सन्तान भइसकेका हुन्छन् । शितल ८ वर्ष सर्कसमा काम गरेर फर्किएकी पात्र हुन् । ति चेलीको जीवन संघर्ष र नेपालबाट वर्षेनी करिब १२ हजार महिला तथा बालबालिका विक्री गरि छिमेकी भारत पुरयाइने तथ्यांक फिल्ममा छ ।

प्रतिक्रिया

सम्बन्धित सामाग्री

फेसबुक