सोमबार, वैशाख १० २०७५ | Mon, April 23, 2018
नेपालको समय: २१:११ | UK Time: 16:26

पूर्व गृहमन्त्री खड्का सवार गाडी दुर्घटना

विनेपाली
२०७४ चैत ४ गते १४:४५

खड्का चढेको गाडी । तस्वीर- रासस

सुर्खेत-पूर्व गृहमन्त्री एवं नेपाली कांग्रेसका नेता पूर्णबहादुर खड्का सवार गाडी दुर्घटना भएको छ ।

सुर्खेतको वीरेन्द्रनगरबाट छिन्चुतर्फ जाँदै गरेको खड्का सवार बा १५ च ८३५४ नम्बरको गाडी आइतबार अपराह्न रत्न राजमार्गअन्तर्गत मसिना भन्ने ठाउँमा दुर्घटना भएको जिल्ला प्रहरी कार्यालयका प्रहरी निरीक्षक शंकर श्रेष्ठले जानकारी दिए ।

गाडी भित्तामा ठोक्किएर दुर्घटना भएको प्रहरीको भनाइ छ । दुर्घटनामा खड्काका अंगरक्षक सञ्जिव आचार्य गम्भीर घाइते भएका छन भने पूर्वमन्त्री खड्काको गर्धन र खुट्टामा सामान्य चोट लागेको प्रहरी निरीक्षक श्रेष्ठले जानकारी दिए ।

घाइते खड्का र आचार्यको मध्यपश्चिमाञ्चल क्षेत्रीय अस्पताल सुर्खेतमा उपचार भइरहेको छ ।

प्रतिक्रिया

सम्बन्धित सामाग्री

फेसबुक