आइपिएलका लागि सन्दीप मंगलबार भारत जाने

पत्रकार सम्मेलनमा सन्दीप । तस्वीर- रासस

काठमाडौँ-विश्व क्रिकेटको सबैभन्दा ठूलो एवं व्यावसायिक प्रतियोगिता मानिएको इण्डियन प्रिमियर लिग (आइपिएल) खेल्न राष्ट्रिय क्रिकेट टोलीका सदस्य सन्दीप लामिछाने मंगलबार भारत जाने भएका छन् ।

दिल्ली डेयरडेभिल्स क्लबमा आबद्व १७ वर्षीय लेग स्पिनर सन्दीप नेपाली क्रिकेट इतिहासमा आइपिएल खेल्ने पहिलो नेपाली हुन् ।

उनलाई गत माघमा बैग्लोरमा भएको अक्सनमा दिल्ली डेयरडेभिल्सले २० लाख भारतीय रुपियाँमा खरिद गरेको थियो ।

भारत जानुअघि सोमबार आयोजित पत्रकार सम्मेलनमा सन्दीपले आइपिएलमा नेपालका तर्फबाट सहभागी हुन पाउँदा खुशी लागेको बताउंदै प्रतियोगिता राष्ट्रियभन्दा फरक हुने भएकाले यसलाई अवसरका रुपमा लिएको बताए ।

क्रिकेटर लामिछानेले आफ्ना लागि नयाँ प्रतियोगिता भएकाले पनि यस प्रतियोगिताबाट सिकेको ज्ञानलाई नेपाली क्रिकेटमा लागु गरिने जानकारी दिए ।

आइपिएल आगामी अप्रिल ७ देखि मे २७ तारिखसम्म सञ्चालन हुनेछ ।

प्रतिक्रिया

सम्बन्धित सामाग्री