सोमबार, जेठ ७ २०७५ | Mon, May 21, 2018
नेपालको समय: १८:३९ | UK Time: 13:54

सिआईए प्रमुख र किमबीच गोप्य भेट

रासस-सिन्ह्वा
२०७५ वैशाख ५ गते १९:२२

उत्तर कोरियाली नेता किम । तस्विर- एपी

वासिङ्टन, अमेरिका, ५ वैशाख – अमेरिकी गुप्तचर निकाय (सिआइए) प्रमुख र उत्तर कोरियाली नेता किम जङ अनबीच भेटवार्ता भएको छ ।

बुधबार राष्ट्रपति डोनाल्ड ट्रम्पले गरेको टवीट्र सन्देशमा सिआइए प्रमुख माइक पोम्पेओ र नेता किमबीच भेटवार्ता भएको जनाइएको छ ।

उहाँहरूबीच उत्तरपूर्वी एसियाली मुलुकमा एक हप्ता पहिले गोप्य भेट भएको राष्ट्रपति ट्रम्पको ट्वीटर सन्देशमा उल्लेख छ ।

सन्देशमा भनिएको छ, “गत हप्ता माइक पोम्पेआले उत्तर कोरियाली नेता भेट्नुभएको छ । दुई अधिकारीबीच भएको भेटमा दुई मुलुकबीचका असमझदारीलाई हटाउने बिषयमा कुराकानी भएको भेट सकारात्मक छ ।” भेट दुईदेशबीचको सम्बन्ध सुधारका लागि उपयोगी भएको अमेरिकी राष्ट्रपतिको भनाई छ ।

सिआइए प्रमुख माइक पोम्पेओ

कोरियाली प्रायदीपमा देखिदै आएको विवाद तथा उत्तर कोरियाले गरेको आणविक हतियार परीक्षणले लिएको तनावपूर्ण अवस्थामा केही समय पहिले दक्षिण कोरियामा भएको शीत ओलम्पिक खेलमा प्योङयाङले सहभागिता जनाउने एक्कासी निर्णय आएपछि क्रमशः सुधारका सङ्केत देखिएका छन् ।

प्रतिक्रिया

सम्बन्धित सामाग्री

फेसबुक