शनिबार, फागुन ११ २०७५ | Sat, February 23, 2019
नेपालको समय: २३:०९ | UK Time: 17:24

युकेका नेपालीको संसदीय अनुभव युके र नेपालको संसदमा

विनेपाली
२०७५ वैशाख १६ गते ११:१४

लण्डन । युकेका नेपालीहरुको संसदीय भ्रमणको प्रतिवेदन बेलायत तथा नेपालको संसदमा पेश गरिएको छ ।
युके नेपाल मैत्री समाजको आयोजनामा गत वर्ष बेलायतका विभिन्न क्षेत्रमा कार्यरत नेपालीहरु रहेको प्रतिनिधि टोलीलाई बेलायतको वेष्टमिनिष्टरमा रहेको संसद तथा वेल्स राज्यको संसदीय भ्रमण गराइएको थियो । ती भ्रमणपछि प्राप्त नेपालीहरुको अनुभव र अपेक्षा समेटिएको सो रिपोर्ट गत साता नेपाल तथा बेलायतका दुवै देशका तल्लो सदन तथा वेल्स राज्यको संसदमा बुझाइएको छ ।

सो प्रतिवेदन प्राप्त गरेपछि बेलायतको तल्लो सदन हाउस अफ कमन्सका सभामुख जोन बर्कोको कार्यालयले सो प्रतिवेदनका लागि समाजलाई धन्यवाद दिएको र प्रतिवेदन पढ्ने वचन दिएको समाजका अध्यक्ष अलान मार्सेल स्यांकाले जानकारी दिए ।

प्रतिवेदनमा बेलायती संसदमा नेपालमा मानवअधिकार तथा नेपालको सार्वभौमिकताका बारेमा उठाइएका सवालहरुका बारेमा नेपाली प्रतिनिधिमण्डलले व्यक्त गरेको प्रतिक्रिया उठाइएको छ । यस्तै, संसदका विभिन्न समितिले तिनले गरेका निर्णयको कार्यान्वयनका प्रक्रियाबारे पनि उल्लेख छ ।

समाजका अध्यक्ष स्यांकाले नेपाली समुदायले कसरी बेलायतको संसदीय अभ्यासका बारेमा आफूलाई जानकार बनाउन सकिन्छ भनेर चासो देखाउनु सकारात्मक पक्ष रहेको बताए ।

प्रतिक्रिया

सम्बन्धित सामाग्री

फेसबुक