बुधबार, साउन २ २०७५ | Wed, July 18, 2018
नेपालको समय: २१:४६ | UK Time: 17:01

बेलायतले जेरुसेलममा दूतावास नसार्ने

रासस-एएफपी
२०७५ वैशाख ३१ गते १७:३६

गाजा क्षेत्रमा हिंसात्मक प्रदर्शनी जारी छ । तस्विर- सिन्हवा

लण्डन, ३१ वैशाख – अमेरिकाले गहिरो विवादबीच जेरुसेलममा औपचारिक रुपमा सोमबार दूतावास स्थापना गरेको छ ।
दूतावास स्थापना समारोहमा राष्ट्रपति डोनाल्ड ट्रम्पको भिडियो सन्देश देखाइएको थियो ।

भिडियो सन्देशमार्फत् राष्ट्रपति ट्रम्पले इजरायलको टेल अभिभबाट जेरुसेलममा दूतावास सार्नु पर्नाको कारणबारे प्रष्ट पार्नु भएको छ । तर, बेलायतले भने जेरुसेलममा दूतावास सार्ने आफ्नो कुनै योजना नरहेको जानकारी दिएको छ । बेलायती प्रधानमन्त्री टेरेजा मेका प्रवक्ताले इजरायलका लागि टेल अभिभमा स्थापना गरिएको दूतावास जेरुसेलममा स्थानान्तरण गर्ने कुनै योजना नरहेको सोमबार पत्रकारहरूसँग बताए ।

प्यालेस्टिनीको चर्को विरोध र प्रदर्शनकाबीच अमेरिकाले जेरुसेलममा दूतावास स्थापना गरेपनि बेलायतले नगर्ने भएको हो ।
प्रधानमन्त्रीका प्रवक्ताले भने, “राज्यको अन्तिम सहमति अघि नै जेरुसेलमलाई इजरायलको राजधानी मान्ने अमेरिकाको निर्णयमा प्रधानमन्त्रीले गत डिसेम्बरमै असहमति जनाउनुभएको थियो ।”

गाजामा थप मानवीय क्षति हुन नदिन संवेदशील बन्न आग्रह

सोमबार गाजा क्षेत्रमा प्यालेष्टिनी नागरिकको प्रदर्शनका क्रममा इजरायलसँगको भडपमा परी कम्तीमा ४१ प्यालेष्टिनीको मृत्यु भएपछि थप क्षति हुन नदिन संयमता अपनाउन यूरोपेली यूनियनका विदेश नीति प्रमुख फेडेरिका मोगेरिनीले इजरायल तथा प्यालेष्टिनी पक्षसँग आग्रह गर्नुभएको छ ।

इजरायलले शान्तिपूर्ण प्रदर्शन गर्न पाउने अधिकार र समानताको आधारमा सुरक्षा बलको प्रयोग गर्ने सिद्धान्तको सम्मान गर्नुपर्ने र हमास र गाजा क्षेत्रमा प्रदर्शनमा सरीक अन्य प्यालेष्टिनी पक्षले पनि आफू गैर हिसात्मक बन्दै प्रदर्शनलाई शान्तिपूर्ण बनाउनु आवश्यक भएको इयूका उच्च कूटनीतिज्ञले सोमबार एक विज्ञप्ति जारी गरी बताउनुभएको छ ।

इजरायल र प्यालेष्टिनीहरूबीच अत्यधिक तनावमा देखिँदै आएको गाजा तथा पूर्वी जेरूसेलममा सम्बन्धित पक्षले संयम नअपनाउने हो भने यसबाट बर्णन गर्न नसकिने प्रकारको थप पीडा भोग्न बाध्य हुने र यसले शान्ति र सुरक्षाको स्थिति थप जटील मोडमा जाने विज्ञप्तिमा मोघेरिनीले बताउनुभएको छ ।

प्राप्त पछिल्लो जानकारी अनुसार सोमबार भएको प्रदर्शनमा ४१ जना प्यालेष्टिनीले गाजा र इजरायलको सीमा क्षेत्रमा ज्यान गुमाएका छन् भने झण्डै एक हजार ७०० जना घाइते बनेका छन् ।

प्रतिक्रिया

सम्बन्धित सामाग्री

फेसबुक