सोमबार, जेठ ७ २०७५ | Mon, May 21, 2018
नेपालको समय: १८:२३ | UK Time: 13:38

सहारा यूके र एनआरएनए यूके जब मैदानमा भिडे…

विनेपाली
२०७५ जेठ २ गते ०:५८

लन्डन । सहारा यूके र एनआरएनए यूकेले ‘स्वास्थ्यका लागि खेलकुद’ नाराका साथ सप्ताहन्त एक मैत्रीपूर्ण फुटबल खेल आयोजना गरेका छन् । १३ मे आइतबार अल्डरसटस्थित कन्नट स्कुल मैदानमा खेल भएको हो । मैत्रीपूर्ण खेलमा एनआरएनए यूकेले ६ गोल गरि विजयी भयो भने सहारा यूके ४ गोलमा सिमित रहयो ।

खेल समापनपछि प्रमुख अतिथी लन्डनस्थित नेपाली दूतावासका उपनियोग प्रमुख शरदराज आरणले विजयी टिमका खेलाडीलाई २० गोल्ड मेडल र उपविजेता खेलाडीलाई २० सिल्भर मेडल प्रदान गरे ।

प्रमुख अतिथी आरणले रेफ्री गम गुरुङलाई बल प्रदान गरेपछि एनआरएनए यूके अध्यक्ष योगकुमार फगामी र सहारा यूके अध्यक्ष मीनबहादुर गुरुङ (साईंला) ले मायाको चिनो साटासाट गरि खेल शुभारम्भ भएको थियो ।

स्वास्थ्यका लागि खेलकुदको आवश्यकताबारे सजग गराउन एवं युवाहरुलाई खेलप्रति उत्प्रेरित गर्न मैत्रीपूर्ण खेल आयोजना गरिएको आयोजकले जनाएका छन् ।

उक्त खेलको संयोजन सहारा एफसीका चियरमेन लेप्टेन कुसान गुरुङले गरेका थिए भने आयोजक टिमका धनु थकाली, शारदा गुरुङ, नारायण गुरुङ, कुमार गुरुङ, कृष्णा गुरुङले मद्दत गरेका थिए । सहारा यूकेका संस्थापक अध्यक्ष नवीन गुरुङ, पूर्व अध्यक्ष, सल्लाहकार र सदस्यहरुले पनि खेल आयोजनामा सहयोग गरे ।

उक्त खेल बचेको रकम सहारा एकेडेमीको २ करोड रुपैयांको अक्षयकोषका लागि प्रदान गरिने सहारा यूके अध्यक्ष मीन बहादुर गुरुङ (साईंला) ले जनाए । सहारा पोखराले २८ जना अनाथ बालबालिकाको पालनपोषण र शिक्षा प्रदान गरिरहेको छ ।

मन्तव्यका क्रममा प्रमुख अतिथी दूतावासका उपनियोग प्रमुख शरदराज आरणले सहारा यूकेले खेल जस्तो प्रशंसनीय कार्य गरेको जनाउंदै यसलाई निरन्तरता दिन जोड दिए । एनआरएनए यूके अध्यक्ष योगकुमार फगामी र महासचिव आरके त्रिपाठीले आगामी दिनमा अझ टिम सहभागिता बढाइ यसलाई वर्षेनी गर्न सुझाए । उनीहरुले सहारा यूकेले खेलकुदको विकासबाहेक भूकम्पछि स्कुल पुनर्निर्माण, पोखरास्थित सहारा एकेडेमीलाई आर्थिक सहयोग, यूकेमा युवाहरु संलग्न गराइ ‘सन्डे लिग’ खेलाइरहेको जस्ता प्रशंसनीय कार्य गरेको बताएका थिए ।

सहारा यूके अध्यक्ष मीनबहादुर गुरुङ (साईंला) ले खेलाडी, सम्पूर्ण सहयोगी र सञ्चारकर्मीहरुलाई मैत्रीपूर्ण खेल सफल बनाएकामा आभार व्यक्त गरे । औपचारिक कार्यक्रममा महासचिव कृष्ण गुरुङले स्वागत मन्तव्य दिए ।

खेलका क्रममा भेटघाट रेष्टुरेन्टले खाना एवं सहारा यूकेका दिदीबहिनीले खाजा व्यवस्था गरेका थिए ।

कार्यक्रममा एनआरएनए लन्डनस्थित नेपाली दूतावासका थर्ड सेक्रेटरी तेजेन्द्र रेग्मी, आइसीसी सदस्य शान्ति थापा 
कुंवर, एनआरएनए यूके पूर्व अध्यक्षहरु सूर्य गुरुङ, मुछेत्र गुरुङ र योगेन क्षेत्री लगायत विभिन्न संघसंस्थाका प्रतिनिधि सहभागी थिए ।

प्रतिक्रिया

सम्बन्धित सामाग्री

फेसबुक