बुधबार, मंसिर २६ २०७५ | Wed, December 12, 2018
नेपालको समय: २२:३८ | UK Time: 16:53

जापानले ६८ करोड उपलब्ध गराउने

रासस
२०७५ जेठ ४ गते १३:३०

काठमाडौँ, ४ जेठ – जापान सरकारले नेपालको आर्थिक र सामाजिक विकास कार्यक्रमका लागि रु ६८ करोड ३२ लाख आर्थिक सहायता उपलब्ध गराउने भएको छ ।

जापान सरकारले यस प्रकारको आर्थिक सहयोग यसअघि पनि उपलब्ध गराउँदै आएको थियो । आज अर्थ मन्त्रालयमा जापानी राजदूत मासासी ओगवा र अर्थ सचिव डा राजन खनालले सहायता सम्बन्धी सम्झौता पत्रमा हस्ताक्षर गर्नुभयो ।

सम्झौतापछि आयोजित कार्यक्रममा अर्थमन्त्रालयका सचिव डा खनालले आर्थिक सहायता रकम प्राकृतिक विपदबाट क्षति भएका संरचना निर्माण र बाढीपहिरो नियन्त्रणमा खर्च गरिने बताउनुभयो ।

जापानी राजदूत ओगवाले प्राकृतिक विपद्मा परेका नेपाली जनताको विकासमा सहायता रकमले मद्दत पुगोस् भन्ने चाहना रहेको बताउनुभयो ।

जापान र नेपाल प्राकृतिक विपद्मा परिरहने मुलुक हुन् ।

प्रतिक्रिया

सम्बन्धित सामाग्री

फेसबुक