सोमबार, असार ११ २०७५ | Mon, June 25, 2018
नेपालको समय: ०८:१४ | UK Time: 03:29

बञ्चरोले हानेर श्रीमतीको हत्या गरी भागेका माझी पक्राउ

विनेपाली
२०७५ जेठ ३० गते १७:२५

भक्तपुर-श्रीमतीको हत्या गरी फरार रहेका उमेशकुमार माझीलाई बुधबार प्रहरीले पक्राउ गरेको छ ।

भोजपुर अरुण गाउँपालिका–४ चरब्दी घर भई हाल चाँगुनारायण नगरपालिका–७ खरिपाटी सैँजु डेरी नजिक राममाया कार्कीको घरमा डेरा गरी बस्ने उमेशप्रसादले यही जेठ २५ गते राति २८ वर्षीया श्रीमती सलेनाको टाउकामा बञ्चरोले हानेर हत्या गरेका थिए ।

महानगरीय प्रहरी परिसर भक्तपुरको प्रहरी टोलीले फरार माझीलाई काठमाडौँ कागेश्वरी नगरपालिका–२ आलापोटबाट पक्राउ गरेको हो ।

यसबारे अनुसन्धान शुरु गरिएको प्रहरी परिसर भक्तपुरका प्रहरी निरीक्षक सुशीलकुमार पाण्डेले जानकारी दिए । माझीको ११ वर्षीया छोरी र सात वर्षीय छोरा छन् ।

प्रतिक्रिया

सम्बन्धित सामाग्री

फेसबुक