बुधबार, मंसिर ५ २०७५ | Wed, November 21, 2018
नेपालको समय: ०३:३२ | UK Time: 21:47

३२ वर्षपछि विश्वकपमा इंग्ल्याण्डको तर्फबाट ह्यारी केनको हयाट्रिक, पानामा ६–१ ले पराजित

विनेपाली
२०७५ असार १० गते १५:३०

काठमाडौं-३२ वर्षपछि विश्वकप फुटबलमा इंग्ल्याण्डका लागि ह्यारी केनले ह्याट्रिक गरेका छन् । आइतबार फिफा विश्वकप २०१८ को समूह जीको खेलमा केनको हयाट्रिक प्रेरित इंग्ल्याण्डले पानामामाथि ६–१ को जित हासिल गरेको छ ।

यसअघि सन् १९८६ मा पोल्याण्ड विरुद्ध इंग्ल्याण्डका ग्यारी लिनेकरले हयाट्रिक गरेका थिए ।

यो जितसँगै इंग्ल्याण्ड अघिल्लो चरण प्रवेशको नजिक पुगेको छ । अब समूह चरणको अन्तिम खेलमा इंग्ल्याण्डले बेल्जियमको सामना गर्नेछ । बेल्जियम पनि दुई जित निकाल्दै अर्को चरण प्रवेशको नजिक रहेको छ ।

ह्यारी केनले पानामा विरुद्ध पहिलो हाफमै २ गोल गरेका थिए । उनले पहिलो गोल २२ औं मिनेटमा गरेका थिए भने पहिलो हाफको इन्जुरी समयमा अर्को गोल थपेका थिए ।

यस्तै, केनले खेलको ६२ औं मिनेटमा तेस्रो गोल गर्दै विश्वकपमा आफ्नो हयाट्रिक पूरा गरे । इंग्ल्याण्डबाट विश्वकपमा हयाट्रिक गर्ने तेस्रो खेलाडी बनेका केनले यो विश्वकपमा हयाट्रिक गर्ने दोस्रो खेलाडी बनेका छन् ।

यसअघि पोर्चुगलका स्टार खेलाडी क्रिस्टियानो रोनाल्डोले स्पेन विरुद्ध खेलमा हयाट्रिक गरेका थिए ।

आफ्नो हयाट्रिकसँगै केन जारी विश्वकपमा सर्वाधिक गोल गर्ने खेलाडीको शीर्ष स्थानमा पुगेका छन् । उनले दुई खेलमा ४ गोल गरेका छन् । यस्तै, पोर्चुगलका रोनाल्डो र बेल्जियमका रोमेलु लुकाकुको ४–४ गोल गर्दै उनलाई पछ्याइरहेका छन् ।

जोन स्टोनिसले इंग्ल्याण्डका लागि थप २ गोल गरे । उनले खेलको ८ औं र ४० औं मिनेटमा गोल गरेका थिए । यस्तै, अर्को गोल भने जेस्सी लिनगार्डले गरे । उनले खेलको ३६ औं मिनेगमा गोल गरेका थिए । पानामाका लागि विश्वकपमा पहिलो गोल गर्ने क्रममा फिलिप बोयलले ७८ औं मिनेटमा गोल गरेका थिए । जुन गोल उसको खेलमा एकमात्र गोल बन्यो ।

प्रतिक्रिया

सम्बन्धित सामाग्री

फेसबुक