बुधबार, असोज १० २०७५ | Wed, September 26, 2018
नेपालको समय: १६:३७ | UK Time: 11:52

सुशीलाको रातो भालेमा टिनएज बैंश (भिडियो)

विनेपाली
२०७५ असार १८ गते १०:०४

काठमाडौं । अहिलेकी लोकप्रिय गायिका सुशीला गौतमले महिलाहरुको महान पर्व तीजलाई लक्षित गर्दै नयां गीत तथा म्यूजिक भिडियो सार्वजनिक गरेकी छन् ।

सुशीला र चर्चित गायक खुमन अधिकारीको स्वरमा ‘रातो भाले…’ बोलको गीत र भिडियो सार्वजनिक भएको हो ।
शब्द सुशीला आफ्नै र संगीत खुमन अधिकारीको छ ।

विक्रम चौहानले निर्देशन गरेको म्यूजिक भिडियोमा सुशीला, खुमन, प्रकाश र रिनाको मुख्य भूमिका छ भने सम्पादन मिलन बिकेले गरेका छन् ।

पछिल्लो पटक गायिका सुशीला गौतमले नेपाली लोकगायनमा शिखर चुमिरहेकी छन् । उनको केही अघिमात्र ‘गफ लायो सोल्टीले…’ गीत तथा म्यूजिक भिडियो सार्वजनिक भएको थियो ।

विगत ८ वर्षदेखि गायनमा सक्रिय उनको ‘माइतीको माया…’ बोलको पञ्चेबाजा गीत अत्यधिक चर्चित भएको थियो । उक्त म्यूजिक भिडियोमा उनी आफैं बेहुली बनेर खेल्दा कतिपयले वास्तविक जीवनकै भनेर जिस्काउने पनि गर्थे ।

गुल्मी शान्तिपुर स्थायी निवासी सुशीलाले हालसम्म तीन दर्जन बढि गीत रेकर्ड गरिसकेकी छिन् । उनका प्राय गीत हिट 
छन् । सुशीला प्राय आफूले गाउने गीत आफैं लेख्छिन् ।

हेर्नुहोस् म्यूजिक भिडियो

प्रतिक्रिया

सम्बन्धित सामाग्री

फेसबुक