शुक्रबार, साउन ४ २०७५ | Fri, July 20, 2018
नेपालको समय: ०३:०५ | UK Time: 22:20

उत्तरी थाइल्याण्डमा गुफामा फसेका १३ मध्ये चार बालकको उद्धार

रासस/सिन्ह्वा
२०७५ असार २४ गते १३:५९

तस्विर एपी

चियाङ राय, थाइल्याण्ड, २४ असार – थाइल्याण्डको उत्तरी इलाकामा करिब दुई हप्तादेखि थुनिएर रहेका १२ बालक र एक जना प्रशिक्षकमध्ये चार बालकलाई आइतबार सकुशल उद्धार गरिएको छ ।

लामो समयसम्म गुफामा फसेका बालकहरूलाई नजिकैको शिविरमा लगिएको र उनीहरूको स्वास्थ्य अवस्था परीक्षण गरिएको उद्धारमा सम्लग्न समूहका एक सदस्यले नाम गोप्य राख्ने शर्तमा बताए ।

थाइल्याण्डको एउटा गुफामा थुनिएका १२ जना बालक र एक जना उनीहरुका प्रशिक्षकसहित १३ जनाको उद्धारकार्य आइतबार पनि विहानैबाट शुरु भएको थियो ।

उद्धारका लागि १३ जना अन्तरराष्ट्रिय गोताखोर, उद्धारको क्षेत्रमा कार्यरत विज्ञलाई परिचालन गरिएको नारोङसाक ओसोटानाकोमका गभर्नर चिआङ रायले जानकारी दिनुभयो ।

उद्धार टोलीमा पाँच जना सेनाको विशेष टोली पनि सहभागी गराइएको उहाँले बताउनुभएको सिन्ह्वा समाचार समितिले उल्लेख गरेको छ ।

उनीहरुलाई बाहिर निकाल्न करिब १०० स्थानमा प्वाल पारेर गुफाभित्रको ग्याँस बाहिर फाल्ने र अक्सिजन भित्र पठाउने ‘चिम्नी’ बनाइएको छ ।

गुफा बाहिरबाट पारिएका ती प्वाल करिब ३०० मीटर लामो रहेको उद्धारकार्यमा सम्लग्न एक सदस्यले बताए । गुफामा फसेका बालकहरु ११ देखि १६ बर्ष सम्मका रहेका छन् भने उनीहरुका प्रशिक्षक २५ वर्षका छन् ।

प्रतिक्रिया

सम्बन्धित सामाग्री

फेसबुक