आइतबार, मंसिर २ २०७५ | Sun, November 18, 2018
नेपालको समय: १३:५१ | UK Time: 08:06

स्कटल्याण्डमा छायांकन गरिएको गायक पन्चकोटीको ‘कोमल तिम्रो’ गीत सार्वजनिक 

विनेपाली
२०७५ असार २५ गते २२:५७
स्कटल्याण्ड।  विदेशमा रहेर पनि नेपाली गीतसंगीतमा तल्लिन गायक, संगीतकार नभकृश पन्चकोटीको पछिलो एल्बम ‘महक’ (२०१८) को  चर्चित गीत ‘कोमल तिम्रो’ को म्युजिक भिडियो युट्यूब  मार्फत सार्बजनिक भएको छ ।
गायक नभकृश पन्चकोटीको शब्द र स्वर रहेको गीतको संगीत चर्चित संगीतकार हरि लम्सालले गरेका छन् भने एरेञ्ज महाराज थापाको छ ।
युट्युब च्यानलबाट रिलिज गरिएको म्युजिक भिडियो  https://www.youtube.com/watch?v=c1-SBFBnquw मा हेर्न सकिन्छ । म्युजिक भिडियोमा  स्कटल्याण्डको मनोरम दृश्यमा कलाकारहरु लियो ट्यांक र पुजा पन्चकोटीको रोमान्स  (प्रेमभाव युक्त अभिनय ) रहेको छ ।
नेपाल  र बेलायतबाट निर्मित धेरै म्युजिक भिडियोहरुमा खेलिसकेका कलाकारहरु लियो ट्यांक र पूजा पन्चकोटीको यस
 म्युजिक भिडियोमा निकै राम्रो जोडी देखिएको छ । कोरियोग्राफीमा निकै अब्बल मोहन कार्कीले म्युजिक भिडियोमा कोरियोग्राफी गरेका छन् ।
नृत्य विधामा दुई दशक भन्दा बढी अनुभवी कार्कीले नेपालमा रहँदा नायक दिलिप रायमाझीसंग नृत्यमा लामो सहकार्य गरेका थिए।  रो प्रोडक्सन युकेले निर्माण गरेको उक्त म्युजिक भिडियोको निर्देशन दिपेश रेग्मीको छ। रो प्रोडक्सन युकेले हालै निर्माण गरेको  भारतीय गायिका संजीवनी र नारायण धितालको म्युजिक भिडियो ‘अंगालोमा बाँधी’ नेपाली टिभीहरु  र सामाजिक संजालहरुमा निकै चर्चित रहेको छ ।
२०४३ सालमा रेडियो नेपालमा स्वर परीक्षण गरेर गायन क्षेत्रमा  साधनारत गायक नभकृश पन्चकोटीको  १९९८ मा “फलिंग इन लभ “, २००६ मा “क्रियशन “, २००९ मा “म ” गीति  एल्बम निस्किसकेको छ भने २०१८ मा “महक ” गीति  एल्बम निस्कने तयारीमा छ।
२०४५ मा म्युजिक नेपालमा रेकर्ड गरिएको गायक पन्चकोटीको  “मायालु ए मेरी मायालु” गीत  (शब्द सुशील देवकोटा, संगीत सुशील बिश्वकर्मा ) निकै नै चर्चित रहेको थियो ।

प्रतिक्रिया

सम्बन्धित सामाग्री

फेसबुक