बिहीबार, साउन ३ २०७५ | Thu, July 19, 2018
नेपालको समय: ०९:२५ | UK Time: 04:40

बेलायतले थप सेना पठाउने निर्णयको अमेरिकाद्वारा स्वागत

रासस/एएफपी
२०७५ असार २८ गते १५:५८

लन्डन, २८ असार – बेलायतले अफगानिस्तानमा थप सैनिक पठाउने समाचारको अमेरिकाले स्वागत गरेको छ ।

अफगानिस्तानमा शान्ति स्थापना र स्थायित्वका लागि बेलायतले थप ४४० बृटिश सैनिक पठाउने जानकारी बेलायती प्रधानमन्त्री टेरेजा मेले दिनुभएको हो ।

पछिल्लो समयमा अफगानिस्तानको शान्ति सुरक्षामा झन चुनौती थपिएका भन्दै अमेरिकी राष्ट्रपति डोनाल्ड ट्रम्पले अफगानिस्तानमा बेलायतलाई थप सेना पठाउन आग्रह गर्नुभएको थियो ।

नेटो गठबन्धन बेलायतलाई गरिएको सो आग्रहपछि ब्रसेल्समा बुधबार सम्पन्न नेटो आवद्ध देशको बैठकका क्रममा बेलायती प्रधानमन्त्री मेले सो प्रतिवद्धता व्यक्त गर्नुभएको अधिकारीले जानकारी दिएका छन् ।

उक्त निर्णयको अमेरिकी विदेश मन्त्रालयले स्वागत गरेको समाचारमा जनाइएको छ । विदेश मन्त्रालयले राष्ट्रपति ट्रम्पको आग्रहमा बेलायतले सेना पठाउने भनी गरेको निर्णयको स्वागत गरेको छ ।

ती सेनाले अफगानिस्तानमा शान्ति र स्थायित्वका लागि ठूलो मात्रामा सघाउने आशा आफूले गरेको जानकारी पनि उहाँले दिएको समाचारमा छ ।

यो सहित अफगानिस्तानमा बेलायती सेनाको सङ्ख्या एक हजार १०० पुग्ने बताइएको छ । हाल अफगानिस्तामा १६ हजार नेटो सैनिक छन् ।

प्रतिक्रिया

सम्बन्धित सामाग्री

फेसबुक