मंगलबार, भदौ ५ २०७५ | Tue, August 21, 2018
नेपालको समय: १६:०३ | UK Time: 11:18

विद्रोहीको निहुँमा सर्वसाधारणको ज्यान जाने क्रम रोकिएन

रासस-एएफपी
२०७५ साउन २ गते १८:२८

द्वन्द्वका कारण सिरिया मरुभूमि जस्तै बनेको छ भने लाखौं मानिसले ज्यान गुमाइसकेका छन् । तस्विर- एपी

बेरुत, २ साउन – सिरियाका विद्रोहीको निहुंमा सर्वसाधारणको ज्यान जाने क्रम रोकिएको छैन । विद्रोहीको बलियो पकड रहेको दक्षिण सिरियामा भएको एक हवाई कारबाहीका क्रममा १२ सर्वसाधारण मारिएका छन् ।

यद्यपि सो हवाई कारबाही रुस या सिरियाली शासक स्वयम्ले पनि पुष्टि गर्न सकेका छैनन् ।

सिरियाको दक्षिणी प्रान्त दाराआ नावामा मंगलबार यस हवाई कारबाही भएको सिरियन अब्जरभेटरी फर ह्युमन राइट्सले जनाएको छ ।

सिरियामा सन् २०११ को मार्च महिनाबाट राष्ट्रपति बसर अल असदको राजीनामाको माग गर्दै जनआन्दोलन शुरु भएको थियो । यो आन्दोलन पछि गएर गृहयुद्धमा परिणत भयो । यस गृहयुद्धमा अल कायदा र इस्लामिक स्टेट्स आतङ्ककारीहरु हाबी हुँदै गए ।

जारी यस द्वन्द्वमा परी हालसम्म ३ लाख ५० हजारभन्दा बढी व्यक्तिको मृत्यु भइसकेको सरकारी तथ्याङ्क छ । तर, मानव अधिकारीवादीहरु यो सङ्ख्या निकै बढी भएको दाबी गर्दै आएका छन् । यस द्वन्द्वका कारण लाखौँ घाइते भएका छन् । लाखौं जनता आफ्नो देशमा र विदेशमा शरणार्थी बन्न बाध्य भएका छन् ।

प्रतिक्रिया

सम्बन्धित सामाग्री

फेसबुक