मंगलबार, मंसिर २५ २०७५ | Tue, December 11, 2018
नेपालको समय: ०१:४० | UK Time: 19:55

सौर्य उर्जामा पहिलो पीपीए

विनेपाली
२०७५ साउन २३ गते १२:०५

लण्डन। गैरआवासीय नेपालीहरूको लगानीको सौर्य उर्जा उत्पादनमा नेपाल विद्युत प्राधिकरणले उर्जा खरिद सम्झौता गरेको छ ।
लण्डनका नेपालीहरूको सहकारी संस्था नेपलिज कोअपरेटिभ इन्भेस्टमेन्ट (एनसिआइ) युके प्रोमोटर रहेको सोलार फर्म प्रालिसित प्राधिकरणले आज काठमाडौंमा सो सम्झौता गरेको हो ।

तनहुँस्थित शुक्लागण्डकी नगरपालिका, बेलचौतारामा रहेको सो कम्पनीले ५ मेघावाट सौर्य उर्जा उत्पादन गर्ने कम्पनीका अध्यक्ष मोहन गुरूङले जानकारी दिए । उनी एनसिआइका पनि अध्यक्ष हुन् ।

डेनिस प्रविधिको सहयोगमा बन्ने सो फर्मले एक वर्षभित्रमा उर्जा उत्पादनको लक्ष्य राखेको छ ।

करिब ५० करोड रुपैयाँको लागतमा निर्माण हुने सो फर्मसित प्रति युनिट ७ रूपैयाँ ३० पैसामा उर्जा खरिद सम्झौता गरिएको छ ।
नेपालमा सौर्य ऊर्जा कम्पनीसित नेपाल विद्युत प्राधिकरणले गरेको उर्जा खरिद सम्झौता गरेको यो सम्भवत पहिलोपटक हो ।

प्रतिक्रिया

सम्बन्धित सामाग्री

फेसबुक