सोमबार, मंसिर ३ २०७५ | Mon, November 19, 2018
नेपालको समय: १५:१० | UK Time: 09:25

प्रधानसेनापति ट्रफी शुरु

रासस
२०७५ भदौ २५ गते १६:५७

प्रधान सेनापति ट्रफी २०७५ को उदघाटन कार्यक्रममा मार्चपास गर्दै सैनिक टोली । तस्बिर – रासस

काठमाडौँ, २५ भदौ – प्रधानसेनापति ट्रफी–२०७५ प्रतियोगिता आजदेखि राजधानीमा शुरु भएको छ । नेपाली सेनाको आयोजनामा भएको उक्त प्रतियोगिताको उद्घाटन प्रधानसेनापति पूर्णचन्द्र थापाले एक कार्यक्रमबीच गर्नुभयो ।

आगामी असोज ४ गतेसम्म सञ्चालन हुने उक्त प्रतियोगितामा कूल १४ टोलीले प्रतिस्पर्धा गर्दैछन् । प्रतियोगितामा एथ्लेटिक्स, पौडी, बक्सिङ, तेक्वान्दो, साइक्लिङ, बास्केटबल, भलिबल, फुटबल, कबड्डी र ह्याण्डबल खेलहरु समावेश गरिएको छ ।

कार्यक्रममा नेपाली सेनाका उपरथी देवकुमार सुवेदीले राष्ट्रिय तथा अन्तर्राष्ट्रिय खेल क्षेत्रमा नेपाली सेनाका खेलाडीले उल्लेखनीय योगदान पुरयाएको चर्चा गर्नुभयो । उक्त प्रतियोगिताको खेलहरु सेनाको भद्रकालीस्थित खेल मैदान, लगनखेल र सशस्त्र प्रहरी बल (एपिएफ) को खेल मैदानमा हुनेछ ।

प्रधानसेनापति ट्रफी उदघाटन कार्यक्रममा नृत्य प्रस्तुत गर्दै कलाकार । तस्बिर-रासस

प्रतिक्रिया

सम्बन्धित सामाग्री

फेसबुक