सोमबार, कार्तिक ५ २०७५ | Mon, October 22, 2018
नेपालको समय: ०९:२२ | UK Time: 04:37

रोनाल्डोले यौन शोषणको आरोप अस्वीकार गरे

विनेपाली
२०७५ असोज १९ गते ८:५६

लसभेगास, १८ असोज (रासस/एएफपी)- विश्वप्रसिद्ध फुटबल खेलाडी क्रिस्टियानो रोनाल्डोले पूर्व अमेरिकी मोडेलले आफूमाथि लगाएको यौन शोषण आरोपको खण्डन गरेका छन् । अमेरिकी मोडेलले सन् २००९ मा आफूलाई रोनाल्डोले बलात्कार गरेको आरोप लगाएकी छिन् । प्रहरीले पीडितको नाम सार्वजनिक गरेको छैन ।

रोनाल्डोका विरुद्धमा लसभेगासको प्रहरीले अनुसन्धान गर्ने यसै साता बताइसकेको छ । पोर्चुगाली यी फुटबल खेलाडीले आफूमाथि लागेको आरोपमा सत्यता नरहेको बताएका छन् ।

“मेरा विरुद्ध प्रहरीले गर्ने भनिएको छानबिनको कुनै आवश्यकता नै छैन,” ३३ वर्षीय रोनाल्डोले भनेका छन् -“बलात्कार घृणित अपराध हो ।”

उनी आजभोलि इटालीको युभेन्टस क्लबबाट खेल्ने गर्दछन् ।

प्रतिक्रिया

सम्बन्धित सामाग्री

फेसबुक