आइतबार, मंसिर २ २०७५ | Sun, November 18, 2018
नेपालको समय: १३:५० | UK Time: 08:05

लण्डनमा उच्चस्तरीय समिति गठन प्रक्रिया स्थगित

पर्यटनमन्त्रीको बेलायत भ्रमण रद्द

विनेपाली
२०७५ कार्तिक १९ गते १०:५९

  

लन्डन । नेपाल भ्रमण बर्ष २०२० सफल बनाउन बेलायतमा गठन गर्न लागिएको उच्चस्तरीय मुल समिति गठन प्रक्रिया स्थगित गरिएको छ ।

पर्यटनमन्त्री रविन्द्र अधिकारीले बेलायत भ्रमणका लागि पाएको भिषा रद्द भएपछि उच्चस्तरीय मुल समिति गठन प्रक्रिया अवरुद्ध भएको हो ।

बेलायतस्थित नेपाली राजदूत डा. दुर्गावहादुर सुवेदीको अध्यक्षता र सदस्य सचिवमा शरदराज आरण रहने गरि यूकेमा रहेका नेपाली संघ सँस्थालाई समावेश गरि समिति गठन गर्न लागिएको दूताबासका डेपुटी चिप अफ मिसन शरदराज  आरणले बताए ।

सोमबारबाट यहाँ सुरु भएको वोर्ल्ड ट्राभल मार्ट (डव्लुटिएम) कार्यक्रममा सहभागी हुन मन्त्री अधिकारी बेलायत आउने पुर्वनिर्धारित कार्यक्रम थियो । सो भ्रमणका अवसरमा उच्चस्तरीय मुल समिति गठन गर्न लन्डनस्थित दूताबासले सम्पूर्ण तयारी गरेको दूतावासका डिसिएम आरणले बताए । 

एक्सेल एक्जिविशन सेन्टरमा ५ देखि ७ नोभेम्बरमा सुरु भएको वोर्ल्ड ट्राभल मार्टमा करीव एक सय ८२ देशका ५० हजारको सहभागिता हुने अनुमान छ ।

बेलायतस्थित नेपाली दूतावासले सोमबार एक सूचना प्रकाशित गरि आगामी १० नोभेम्बरमा दूतावासमा तय गरिएको कार्यक्रम स्थगित समेत गरेको छ । स्रोतका अनुसार आगामी जनवरीमा पयर्टन मन्त्रीको भ्रमण गराई उच्चस्तरीय समिति गठन गरिनेछ । 

प्रतिक्रिया

सम्बन्धित सामाग्री

फेसबुक