मंगलबार, पुष ३ २०७५ | Tue, December 18, 2018
नेपालको समय: १७:१२ | UK Time: 11:27

उपराष्ट्रपतिद्वारा चिम्खोले काईला सम्मानित 

विनेपाली
२०७५ मंसिर ४ गते २१:०२

लण्डन । म्याग्दी रघुगंगा गाउँपालिका वडा न. ७ चिमखोला घर भई हाल बेलायतमा बसोबास गर्दै आएका समाजसेवी, पत्रकार तथा साहित्यकार दुत पुन (चिम्खोले काईंला) नेपालका उपराष्ट्रपति नन्द बहादुर पुन (पासाङ)  द्वारा सम्मानित भएका छन् ।

लामो समय विदेशी भूमिमा रहेर पनि नेपाल र नेपालीका लागि सामाजिक सेवा, पत्रकारिता तथा साहित्य क्षेत्रमा विशेष योगदान पुरयाएवापत उपराष्ट्रपतिले पुनलाई सम्मान गरेका हुन् ।

पत्रकार चिम्खोले काईंला एभरेस्ट टाइम्स साप्ताहिक युकेका प्रवन्ध निर्देशक तथा सम्पादक हुन् । उनको सक्रिय योगदानका कारण एभरेस्ट टाइम्स साप्ताहिक युकेले हालै दशौं बार्षिकोत्सब मनाउन सफल भएको छ ।

चिम्खोले काईंला ब्रिटिश सेनाको अवकाश प्राप्त वारेन्ट अफिसर हुन् भने उनी ‘मार्केटिङ एण्ड इनोभेसन’ विषयमा मास्टर डिग्री अध्ययनरत छन् । प्रबन्ध निर्देशक चिम्खोले काईंला अन्तर्राष्ट्रिय पत्रकार महासंघ, नेपाल पत्रकार महासंघ युके र नेपाल आदिबासी जनजाति पत्रकार महासंघ युकेमा आवद्ध छन् ।

साहित्यकार चिम्खोले काईंलाको हालसम्म ‘सुन्दन्ते’ र ‘युकेको जिन्दकी’ कविता संग्रह तथा ‘अर्ली भाई’ कथा संग्रह प्रकाशित छन् । उनले ‘युकेतिर जाउली’ लोक दोहोरी एल्बम, ‘लण्डनको कोशेली’ आधुनिक गीति एल्बम र ‘द वेष्ट अफ चिम्खोले काइँला’ डिभिडी निर्माण गरेका छन् भने उनले चलचित्र ‘मेजर पेन्सन खाउली’ पनि बनाएका छन् ।

साहित्य तथा गीत संगीत संगसंगै बोकेर हिड्ने चिम्खोले काईंला देश बिदेशमा रहेका विभिन्न साहित्यिक तथा गीत संगीतसम्वद्ध संघ संस्थाहरुमा आवद्ध छन् ।

चिम्खोले काईंला पेशाले संयुक्त अधिराज्य बेलायतको रक्षा मन्त्रालयको निजामती कर्मचारी हुन् भने उनी मगर संघ युकेका निवर्तमान अध्यक्ष हुन् । लगनशीलता, अनुशासन, अनुभव, इमान्दारिता, बफादारिता, दक्ष तथा कुशल कार्यक्षमताले गर्दा नेपालका उपराष्ट्रपतिद्वारा चिम्खोले काईलाले यो सम्मान पाउन सफल भएका हुन् ।

प्रतिक्रिया

सम्बन्धित सामाग्री

फेसबुक