आइतबार, माघ ६ २०७५ | Sun, January 20, 2019
नेपालको समय: १९:४९ | UK Time: 14:04

पेरिस विष्फोटमा घाइतेमध्ये दुईको मृत्यु

रासस-एएफपी
२०७५ पुष २८ गते १३:५१

उद्दारकर्ताहरु घाइतेको उद्दारका क्रममा । तस्विर- एएफपी

पेरिस, २८ पुस – पेरिसको मध्य क्षेत्रमा अवस्थित एक वेकरी पसलमा ग्यास चुहावट नियन्त्रण गर्ने क्रममा आगोले जलेर घाइते भएका दुई अग्नि नियन्त्रकको उपचारका क्रममा शनिबार निधन भएको छ ।

ग्यास चुहावटलाई नियन्त्रण गर्ने क्रममा भएको विष्फोटमा आगोले जलेर सख्त घाइते बनेका दुई उद्धारकर्मीको निधन भएको पेरिसको अभियोजनकर्ताको कार्यालयले जनाएको छ ।

घटनामा कम्तिमा ३७ जना घाइते भएका थिए । १२ जना गम्भीर रूपमा घाइते भएका थिए भने २४ जनालाई सामान्य चोट लागेको थियो । घाइतेमध्ये पाँच जनाको अवस्था गम्भीर रहेको बताइएकोमा दुई जनाको मृत्यु भएको पुष्टि भएको हो ।

यसअघि अग्नी नियन्त्रण कार्यालय पेरिसका कमान्डर इरिक मौउलिनले घटनामा तीन अग्नि नियन्त्रकसहित १२ जना गम्भीर घाइते भएका र २४ जनालाई सामान्य चोट लागेको बताउनुभएको थियो ।

प्रतिक्रिया

सम्बन्धित सामाग्री

फेसबुक