शनिबार, फागुन ११ २०७५ | Sat, February 23, 2019
नेपालको समय: २३:०९ | UK Time: 17:24

लन्डनबाट ‘सम्हालिन्छ कहिले मन’ को छायांकन शुरु

विनेपाली
२०७५ माघ २७ गते १६:३१

लन्डन । नेपाली चलचित्र छायांकनका लागि अचेल लन्डन उत्कृष्ट रोजाइ बन्दै गएको छ । यो पंक्तिमा जोडिएको छ चलचित्र ‘सम्हालिन्छ कहिले मन’ ।

उक्त चलचित्रको छायांकन लन्डनबाट भएको हो । छायांकन अगाडि कलाकार र निर्माण समूहले क्यामेरा पूजा गरेका थिए ।

नायिका पूजा शर्मा र नव–नायक सोनम तोप्देनले पहिलो सर्ट दिएका थिए । चलचित्रमा आकाश श्रेष्ठ, सरोज खनाल, गौरी मल्ल, धिरेन शाक्य लगायतका कलाकारको पनि मुख्य भूमिका छ ।

निर्देशक सुदर्शन थापाले लण्डन, स्कटल्याण्ड र वेल्स्मा चलचित्रको छायांकन हुने जानकारी दिएका छन् । एबी इन्टरनेशलको ब्यानरमा निर्माण हुन लागेको उक्त चलचित्रको छायांकन बेलायतपछि नेपालको मुस्ताङमा हुनेछ ।

करिब ५० दिनको छायांकन सेड्यूलका साथ यसका कलाकार र निर्माण समूह केही दिन अघि मात्र लण्डन आइपुगेको थियो ।

अमित बस्नेतको लगानी रहेको चलचित्रमा कार्यकारी निर्माता अंकित गौतम र सनिष खकुरेल हुन् । परि राना र अजितकुमार थापाको सह–निर्माण छ ।

अर्जुन पोखरेल, सुगम पोखरेल र ताराप्रकाश लिम्बुको 
संगीत, सौरभ लामाको छायांकन, कविराज गहतराजको कोरियोग्राफी रहेको चलचित्रमा महेश दवाडीको कथा छ ।

त्रिकोणात्मक प्रेमकथामा चलचित्र तयार बन्ने निर्माण पक्षले जनाएको छ ।

प्रतिक्रिया

सम्बन्धित सामाग्री

फेसबुक