सोमबार, जेठ १३ २०७६ | Mon, May 27, 2019
नेपालको समय: १९:३५ | UK Time: 14:50

प्रधानमन्त्रीले जन्मदिनमा आँपको बिरुवा रोपे

रासस
२०७५ फागुन ११ गते २०:५५

प्रधानमन्त्री केपी शर्मा ओली आˆनो ६८औँ जन्मोत्सवको अवसरमा शनिबार प्रधानमन्त्री निवास बालुवाटारमा आँपको बिरुवा रोपी बिरुवामा पानी सिन्चन गर्दै । तस्बिर सौजन्य- प्रधानमन्त्रीको निजी सचिवालय, रासस

काठमाडौँ, ११ फागुन – प्रधानमन्त्री केपी शर्मा ओलीले आफ्नो ६८औँ जन्मोत्सवको अवसरमा आँपको बिरुवा रोप्नुभएको छ ।

प्रधानमन्त्री निवास बालुवाटारमा आज बिहान उहाँले स्थानीय नसर्रीबाट ल्याइएको आँपको बिरुवा रोप्नुभएको उहाँका प्रेस संयोजक चेतन अधिकारीले जानकारी दिनुभयो । यसैगरी प्रधानमन्त्रीपत्नी राधिका शाक्यले भने जन्मोत्सवको अवसरमा अम्बाको बिरुवा रोप्नुभएको छ । सो अवसरमा प्रधानमन्त्री ओलीले केक काटेर पत्नी राधिका र बुबा मोहनप्रसाद ओलीलाई खुवाउनुभएको थियो ।

प्रधानमन्त्री ओलीलाई बालुवाटार आएर नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठलगायतले शुभकामना दिनुभएको छ । प्रधानमन्त्री ओली विसं २००८ फागुन ११ गते तेह्रथुमको इवामा जन्मनुभएको थियो ।

प्रतिक्रिया

सम्बन्धित सामाग्री

फेसबुक